પીપોદરા જીઆઈડીસીમાં ઝાડ પર ફાંસો ખાધેલી હાલતમાં યુવકનો મૃતદેહ મળ્યો - Surat News

સુરતઃ માંગરોળ તાલુકાના પીપોદરા જીઆઈડીસીમાં આજે વહેલી સવારે જાહેર રોડ પર ઝાડ સાથે ફાંસો ખાધેલી હાલતમાં એક યુવકનો મૃતદેહ મળી આવ્યો હતો. ઘટના સ્થળે લોકોના ટોળેટોળા એકત્ર થઈ ગયા હતા. સમગ્ર બનાવની જાણ કોસંબા પોલીસને કરાતા પોલીસ સત્વરે ઘટના સ્થળે દોડી આવી હતી. પોલીસે યુવકના મૃતદેહનો કબજો લીધો હતો. મૃતક યુવક ઉત્તરપ્રદેશના ફતેહપુર વિસ્તારનો હોવાનું અને મૃતકનું નામ સુરત નિષાધ હોવાનું જાણવા મળ્યું હતું. હાલ પોલીસે યુવકના મૃતદેહને નજીકની સરકારી હોસ્પિટલમાં પીએમ અર્થે  મોત પાછળનું કારણ જાણવા તપાસ હાથ ધરી છે. કોસંબા પોલીસ મથકના ASI નલિનભાઈએ જણાવ્યું હતું કે, યુવકે ગળેફાંસો ખાઈ લીધો હોવાની જાણ થતાં જ અમારી ટીમ તુરત સ્થળ પર દોડી ગઈ હતી અને મૃતદેહનો કબજો લઈ પીએમ અર્થે મોકલી આપી આગળની કાર્યવાહી હાથ ધરી છે.