નવી દિલ્હી : એલોન મસ્કના ન્યુરાલિંકે મગજ-કોમ્પ્યુટર ઈન્ટરફેસ, અથવા બીસીઆઈ વિકસાવ્યું છે, જેનો ઉદ્દેશ્ય લકવોથી પીડિત દર્દીઓને તેમના મગજ વડે બાહ્ય ટેક્નોલોજીને નિયંત્રિત કરવામાં મદદ કરવાનો છે. એલોન મસ્કની ન્યુરાલિંકે આ વર્ષે જાન્યુઆરીમાં નોલેન્ડ આર્બોગ નામના 29 વર્ષીય વ્યક્તિ પર મગજની ચિપનું પ્રથમ માનવ પરીક્ષણ શરૂ કર્યું હતું. કંપનીની સિસ્ટમ, જેને લિંક કહેવાય છે, માનવ વાળ કરતાં પાતળા હોય તેવા 64 થ્રેડો પર 1,024 ઇલેક્ટ્રોડનો ઉપયોગ કરીને ચેતા સંકેતો રેકોર્ડ કરે છે. કંપનીના બ્લોગપોસ્ટ અનુસાર, મગજની ચિપના કેટલાક ભાગોમાં પ્રથમ વખત ખરાબી આવી છે.
કંપનીએ જાહેર કર્યું : માનવ મસ્તિષ્કમાંં રોપવામાં આવેલી ન્યુરાલિંકની પ્રથમ ચિપને મોટો આંચકો લાગ્યો છે. કારણ કે ઉપકરણ દર્દીના મગજમાંથી અલગ થવાનું શરૂ થયું હતું તેમ કંપનીએ જાહેર કર્યું છે. નોલેન્ડ આર્બોગ ફેબ્રુઆરીમાં તેમના મગજમાં ન્યુરાલિંક ચિપ ઉમેરવા માટે સર્જરી કરાવી હતી. ટ્રાન્સપ્લાન્ટ પછી એક મહિનાની અંદર તે બ્રેઇન ચિપ ઇમ્પ્લાન્ટ ઉપકરણની કાર્યક્ષમતા ઓછી થઈ ગઈ કારણ કે નાના કમ્પ્યુટરને મગજ સાથે જોડતા ઉપકરણના થ્રેડ જુદા પડવા લાગ્યા હતાં.
ન્યુરાલિંક મગજ પ્રત્યારોપણમાં અવરોધનું કારણ શું છે? : ન્યુરાલિંકે એ શેર કર્યું નથી કે શા માટે ઉપકરણે નોલેન્ડ આર્બોગના મગજમાં આંશિક રીતે દૂર થયું હતું. કંપનીએ કહ્યું કે તેમના એન્જિનિયરોએ ઇમ્પ્લાન્ટને રિફાઇન કર્યું અને દર્દીની કામ કરવાની ક્ષમતા પુનઃસ્થાપિત કરી હતી.
શું નોલાન આર્બોગ જોખમમાં છે? : મીડિયા અહેવાલો અનુસાર, નોલાન આર્બોગના મગજની ઓછી ક્ષમતાઓથી કોઈ ખતરો નથી કારણ કે તે હજી પણ તેના વિચારોનો ઉપયોગ કરીને કમ્પ્યુટર પર ચેસની રમત રમી શકશે.
ન્યુરાલિંક પહેલેથી જ તપાસ હેઠળ છે? : કંપનીએ તેનું પ્રથમ માનવ પ્રત્યારોપણ કરતા પહેલા ઘેટાં, ડુક્કર અને વાંદરાઓ સહિતના પ્રાણીઓ પર વર્ષો સુધી વ્યાપક પ્રયોગો કર્યા હતાં. જેને પગલે નિયમનકારોએ તે પ્રાણી પરીક્ષણ પ્રયોગશાળાઓમાં કંપનીની પ્રથાઓની તપાસ શરૂ કરી હતી.
