ભુવનેશ્વર: ડિફેન્સ રિસર્ચ એન્ડ ડેવલપમેન્ટ ઓર્ગેનાઈઝેશન (DRDO) એ મંગળવારે ઓડિશાના દરિયાકાંઠે ચાંદીપુર ખાતે ઈન્ટીગ્રેટેડ ટેસ્ટ રેન્જ (ITR) માંથી મોબાઈલ આર્ટિક્યુલેટેડ લોન્ચરથી લોંગ રેન્જ લેન્ડ એટેક ક્રુઝ મિસાઈલ (LRLACM) નું પ્રથમ ફ્લાઇટ પરીક્ષણ હાથ ધર્યું હતું.
આ પરીક્ષણ દરમિયાન, તમામ પેટા-સિસ્ટમ્સે અપેક્ષા મુજબ પ્રદર્શન કર્યું અને પ્રાથમિક મિશન ઉદ્દેશ્યને પૂર્ણ કર્યું. ફ્લાઇટ પાથના સંપૂર્ણ કવરેજને સુનિશ્ચિત કરવા માટે વિવિધ સ્થળોએ આઇટીઆર દ્વારા તૈનાત રડાર, ઇલેક્ટ્રો-ઓપ્ટિકલ ટ્રેકિંગ સિસ્ટમ અને ટેલિમેટ્રી જેવા બહુવિધ રેન્જ સેન્સર્સ મિસાઇલની કામગીરીનું નિરીક્ષણ કરે છે.
વિવિધ યુધ્યાભ્યાસનું પ્રદર્શન: મિસાઈલ પોઈન્ટ નેવિગેશનનો ઉપયોગ કરીને ઈચ્છિત માર્ગને અનુસરે છે અને વિવિધ ઊંચાઈઓ અને ઝડપે ઉડતી વખતે વિવિધ દાવપેચ કરવાની તેની ક્ષમતા દર્શાવી હતી. નોંધનીય છે કે, મિસાઈલ વધુ સારી અને વિશ્વસનીય કામગીરી સુનિશ્ચિત કરવા માટે અદ્યતન એવિઓનિક્સ અને સોફ્ટવેરથી પણ સજ્જ છે.
LRLACM બેંગલુરુ એરોનોટિકલ ડેવલપમેન્ટ એસ્ટાબ્લિશમેન્ટ, DRDO પ્રયોગશાળાઓ અને ભારતીય ઉદ્યોગોના યોગદાનથી વિકસાવવામાં આવ્યું છે. હૈદરાબાદની ભારત ડાયનેમિક્સ લિમિટેડ અને બેંગલુરુની ભારત ઈલેક્ટ્રોનિક્સ લિમિટેડ એલઆરએલએસીએમ માટે બે વિકાસ-સહ-ઉત્પાદન ભાગીદારો છે અને મિસાઈલ વિકાસ અને એકીકરણમાં રોકાયેલા છે.
રક્ષા મંત્રી રાજનાથ સિંહે પાઠવ્યા અભિનંદન: તમને જણાવી દઈએ કે, આ પરીક્ષણ વિવિધ DRDO પ્રયોગશાળાઓના વરિષ્ઠ વૈજ્ઞાનિકો તેમજ ત્રણેય સેનાઓના પ્રતિનિધિઓ અને સિસ્ટમના વપરાશકર્તાઓ દ્વારા જોવામાં આવ્યું હતું. રક્ષા પ્રધાન રાજનાથ સિંહે પ્રથમ સફળ ઉડાન પરીક્ષણ માટે DRDO, સશસ્ત્ર દળો અને ઉદ્યોગને અભિનંદન પાઠવ્યા છે. તેમણે કહ્યું કે આનાથી ભવિષ્યમાં સ્વદેશી ક્રૂઝ મિસાઈલ વિકાસ કાર્યક્રમોનો માર્ગ મોકળો થશે.
આ દરમિયાન, સંરક્ષણ સંશોધન અને વિકાસ વિભાગના સચિવ અને DRDOના અધ્યક્ષ ડૉ. સમીર વી કામતે DRDOની સમગ્ર ટીમને LRLACMના સફળ પ્રક્ષેપણ બદલ અભિનંદન પાઠવ્યા હતા.
આ પણ વાંચો:
