ભૂજ: વડાપ્રધાન નરેન્દ્ર મોદીએ ગુજરાતને લગભગ 1100 કરોડ રૂપિયાની ભુજ-નલિયા ગેજ રૂપાંતર પરિયોજના સમર્પિત કરી છે. આ રેલ ઇન્ફ્રા પરિયોજનાએ રાષ્ટ્ર નિર્માણ પ્રક્રિયામાં બહુ મોટો ફાળો આપ્યો છે અને આ કનેક્ટિવિટીથી, રોજગારની તકો, પ્રવાસન અને વેપારમાં સરળતા માટે અસંખ્ય તકો ખુલશે.
ભારતીય રેલવે એ દેશના બહુઆયામી વિકાસમાં બહુ મોટો ફાળો આપ્યો છે. વડાપ્રધાન નરેન્દ્ર મોદીએ 28 ઓક્ટોબર, 2024ના રોજ ગુજરાતના અમરેલીના લાઠીમાં આયોજિત એક કાર્યક્રમમાં અંદાજે 1100 કરોડ રૂપિયાના ખર્ચનો ભુજ-નલિયા ગેજ રૂપાંતર પ્રોજેક્ટ રાષ્ટ્રને સમર્પિત કર્યો હતો.
ભુજ-નલિયા રેલ લાઇન ગેજ રૂપાંતર (101.40 કિમી)
| પરિયોજનાનો ખર્ચઃ | 1094.37 કરોડ રૂપિયા |
| લંબાઈ | 101.40 કિમી |
| મોટા પુલ | 24 |
| નાના પુલ | 254 |
| રોડ ઓવર બ્રિજ | 3 |
| રોડ અન્ડર બ્રિજ | 30 |
| સ્ટેશનોની સંખ્યા | 11 |
પરિયોજનાનો ખર્ચ 1094.37 કરોડના રૂપિયા
ભુજ-નલિયા ગેજ રૂપાંતર પરિયોજના 1094.37 કરોડના રૂપિયા ખર્ચે પૂર્ણ થઈ છે.આ ખંડમાં 24 મોટા અને 254 નાના પુલો સાથે 3 રોડ ઓવર બ્રિજ અને 30 રોડ અન્ડર બ્રિજનો સમાવેશ થાય છે. આ ખંડની પૂર્ણાહુતિ સાથે, ભુજ-નલિયા મીટરગેજ લાઇનને ભારતીય રેલની યુનિ-ગેજ નીતિ હેઠળ બ્રોડગેજ લાઇનમાં રૂપાંતરિત કરવામાં આવી છે.
આ ખંડને કચ્છ જિલ્લાના દૂરના વિસ્તારોને બાકીના રેલ નેટવર્કની સાથે અવિરત બ્રોડગેજ રેલ કનેક્ટિવિટી પૂરી પાડી છે. ભુજ-નલિયા રેલવે લાઇને પોર્ટ કનેક્ટિવિટીને પણ વધાર્યું છે અને કચ્છ જિલ્લામાં પોર્ટના રસ્તે નિકાસ/આયાતને પ્રોત્સાહન આપ્યું છે.
Strengthening Rail Infra in Gujarat!
— DRM Vadodara (@DRMBRCWR) October 28, 2024
Dedication to the Nation of Bhuj - Naliya Broad Gauge Rail Line. This will enhance tourism in Rann of Kutch thereby creating employment opportunities. #RailInfra4Gujarat@WesternRly @RailMinIndia pic.twitter.com/u1SnaVuDHj
આ ક્ષેત્રમાં સિમેન્ટ ઉદ્યોગોને પણ મોટો વેગ મળ્યો છે અને આને કારણે મીઠું, ખનિજો અને અન્ય કાચા માલના કાર્યક્ષમ પરિવહનની સુવિધા પણ મળી છે. સરકારનો દાવો છે કે, આ વિકાસકાર્યો થી રોજગારીની વધુ તકો ઉભી થશે , જેનાથી આ ક્ષેત્રની પ્રદેશની સામાજિક-આર્થિક પ્રગતિમાં સુધારો થશે.
