નવી દિલ્હીઃ ભારતીય ક્રિકેટ કંટ્રોલ બોર્ડ (BCCI)ના આગામી સચિવને લઈને એક આશ્ચર્યજનક નામ સામે આવ્યું છે. અહેવાલો અનુસાર, જો જય શાહ આગામી ઇન્ટરનેશનલ ક્રિકેટ કાઉન્સિલ (ICC) ના અધ્યક્ષ પદ માટે પોતાને નામાંકિત કરે છે, તો રોહન જેટલી BCCIના આગામી સચિવ તરીકે તેમના અનુગામી બની શકે છે.
રોહન જેટલી BCCIના નવા સેક્રેટરી બનશે:
દૈનિક ભાસ્કરના અહેવાલ મુજબ, દિલ્હી અને જિલ્લા ક્રિકેટ એસોસિએશન (ડીડીસીએ) ના વર્તમાન પ્રમુખ રોહન જેટલીના નામ પર સર્વસંમતિ છે, જે દિવંગત રાજકારણી અરુણ જેટલીના પુત્ર છે. જો કે, વર્તમાન પ્રમુખ રોજર બિન્ની સહિત બીસીસીઆઈના અન્ય તમામ ટોચના અધિકારીઓ તેમની ભૂમિકા ચાલુ રાખશે કારણ કે, તેમની સંબંધિત મુદતમાં વધુ એક વર્ષ બાકી છે.
Rohan Jaitley likely to become the new secretary of the BCCI if Jay Shah is elected as the ICC Chairman. (Dainik Bhaskar). pic.twitter.com/3zttXNmKfa
— Mufaddal Vohra (@mufaddal_vohra) August 26, 2024
શું જય શાહ ઉમેદવારી નોંધાવશે?
શાહ આઈસીસીના આગામી અધ્યક્ષ તરીકે કાર્યભાર સંભાળવામાં રસ ધરાવે છે કે કેમ તે અંગે હજુ પણ સસ્પેન્સ છે. કારણ કે, તેણે હજુ સુધી ઉમેદવારી નોંધાવી નથી અને આ માટેની છેલ્લી તારીખ 27મી ઓગસ્ટ છે. તમને જણાવી દઈએ કે, ICCના આઉટગોઇંગ પ્રેસિડેન્ટ ગ્રેગ બાર્કલેએ તાજેતરમાં પુષ્ટિ કરી હતી કે તેઓ ત્રીજા કાર્યકાળ માટે પોતાનો દાવો રજૂ કરશે નહીં.
શાહ ICCના સૌથી યુવા પ્રમુખ બની શકે છે:
તમને જણાવી દઈએ કે, શરદ પવાર, જગમોહન દાલમિયા, શશાંક મનોહર અને એન શ્રીનિવાસન એવા ભારતીય છે જેઓ અગાઉ ICCનું નેતૃત્વ કરી ચૂક્યા છે. હવે 35 વર્ષીય જય શાહ ICCના અત્યાર સુધીના સૌથી યુવા પ્રમુખ બની શકે છે. ICCના નિયમો અનુસાર અધ્યક્ષની ચૂંટણીમાં 16 વોટ પડે છે. વિજેતા માટે 9 મત જરૂરી છે. શાહને કથિત રીતે ICC બોર્ડના 16માંથી 15 સભ્યોનું સમર્થન છે. આવી સ્થિતિમાં આઈસીસી પ્રમુખની ચૂંટણી માત્ર એક ઔપચારિકતા છે.
