નવી દિલ્હી: અનુભવી ભારતીય બેટ્સમેન અને ભૂતપૂર્વ મુખ્ય કોચ રાહુલ દ્રવિડે ક્રિકેટમાંથી નિવૃત્તિ લઈ લીધી છે, પરંતુ હવે તેનો પુત્ર તેની છાપ છોડવા માટે તૈયાર છે. દ્રવિડના પુત્ર સમિત દ્રવિડને ભારતની અંડર-19 ટીમમાં સામેલ કરવામાં આવ્યો છે, જે ઓસ્ટ્રેલિયાની અંડર-19 ટીમ સામે મલ્ટિ-ફોર્મેટ શ્રેણી રમશે.
BCCIએ એક મીડિયા નિવેદન દ્વારા ભારતની અંડર-19 ટીમની જાહેરાત કરી છે. જે પુડુચેરીમાં વન-ડે મેચ રમાંશે, જ્યારે ચાર દિવસીય મેચ ચેન્નાઈમાં રમાશે. BCCI સેક્રેટરી જય શાહે એક મીડિયા નિવેદનમાં કહ્યું, 'જુનિયર સિલેક્શન કમિટીએ ઓસ્ટ્રેલિયા અંડર-19 સામે આગામી મલ્ટી-ફોર્મેટની હોમ સિરીઝ માટે ભારતની અંડર-19 ટીમની પસંદગી કરી છે. આ શ્રેણીમાં, ત્રણ 50 ઓવરની મેચો અને બે ચાર દિવસીય મેચ પુડુચેરી અને ચેન્નાઈમાં રમાશે.
ઉત્તર પ્રદેશ ક્રિકેટ એસોસિએશનના મોહમ્મદ અમાન ODI શ્રેણીમાં ભારતની અંડર-19 ટીમનું નેતૃત્વ કરશે, જ્યારે સોહમ પટવર્ધન ચાર દિવસીય શ્રેણી માટે ભારતની અંડર-19 ટીમનું નેતૃત્વ કરશે. બંને ટીમમાં સમિત દ્રવિડનો સમાવેશ કરવામાં આવ્યો છે. તમને જણાવી દઈએ કે, રાહુલ દ્રવિડનો 18 વર્ષનો સમિત જમણા હાથનો બેટ્સમેન છે અને તાજેતરમાં જ તેણે KCSAની મહારાજા ટ્રોફીમાં પોતાની પાવર હિટિંગ કુશળતાનું પ્રદર્શન કર્યું હતું. જ્યારે વનડે શ્રેણી 21 સપ્ટેમ્બરથી શરૂ થશે જ્યારે ચાર દિવસીય શ્રેણી 30 સપ્ટેમ્બરથી શરૂ થશે.
ODI શ્રેણી માટે ભારતની અંડર-19 ટીમ:
રુદ્ર પટેલ, સાહિલ પારખ, કાર્તિકેય કેપી, મોહમ્મદ અમાન, કિરણ ચોરમલે, અભિજ્ઞાન કુંડુ, હરવંશ સિંહ પંગાલિયા, સમિત દ્રવિડ, યુધાજીત ગુહા, સમર્થ એન, નિખિલ કુમાર, ચેતન શર્મા, હાર્દિક રાજ, રોહિત રાજાવત, મોહમ્મદ અનન.
ચાર દિવસીય શ્રેણી માટે ભારતની U19 ટીમ:
વૈભવ સૂર્યવંશી, નિત્યા પંડ્યા, વિહાન મલ્હોત્રા, સોહમ પટવર્ધન (C), કાર્તિકેય કેપી, સમિત દ્રવિડ, અભિજ્ઞાન કુંડુ, હરવંશ સિંહ પાંગલિયા (WK), ચેતન શર્મા, સમર્થ એન, આદિત્ય રાવત, નિખિલ કુમાર, અનમોલજીત સિંહ, આદિત્ય સિંહ, મોહમ્મદ આનન
