નવી દિલ્હીઃ ઈન્ડિયન પ્રીમિયર લીગની સાતમી મેચ બેંગલુરુ અને પંજાબ વચ્ચે રમાઈ હતી. આ મેચમાં બેંગલુરુનો ક્લોઝ મેચમાં વિજય થયો હતો. આ જીત સાથે જ આ સિઝનમાં બેંગલુરુનું જીતનું ખાતું ખુલી ગયું છે. વિરાટ કોહલીએ આ મેચમાં શાનદાર પ્રદર્શન કર્યું હતું અને 75 રનની ઇનિંગ રમી હતી. જેના કારણે તેને પ્લેયર ઓફ ધ મેચનો એવોર્ડ આપવામાં આવ્યો હતો.
-
Virat Kohli talking to Anushka Sharma and Vamika after won the match.
— CricketMAN2 (@ImTanujSingh) March 25, 2024
- CUTEST VIDEO OF THE DAY. ❤️ pic.twitter.com/srREuiqS8u
વિરાટ કોહલીએ અનુષ્કા શર્મા સાથે વાત કરી: મેચ બાદ વિરાટ કોહલીનો એક વીડિયો વાયરલ થઈ રહ્યો છે. જેમાં કિંગ કોહલી મેચમાં પોતાના શાનદાર પ્રદર્શન બાદ પત્ની અનુષ્કા શર્મા સાથે વાત કરી રહ્યો છે. કિંગ કોહલી આ કોલમાં સંપૂર્ણ રીતે મગ્ન છે અને આ દરમિયાન તે પોતાની પત્ની અનુષ્કા શર્માને વારંવાર ફ્લાઈંગ કિસ આપી રહ્યો છે. તેની પ્રતિક્રિયા ચાહકોમાં ખૂબ વાયરલ થઈ હતી. આ વીડિયો પર ફેન્સ પણ રિએક્શન આપી રહ્યા છે.
-
Virat Kohli giving flying kiss to Anushka Sharma on the video call. ❤️ pic.twitter.com/ykhKG5b6m0
— Mufaddal Vohra (@mufaddal_vohra) March 25, 2024
વીડિયો સોશિયલ મીડિયા પર વાયરલ: એક પ્રશંસકે લખ્યું કે, આને કહેવાય સાચો પ્રેમ, માણસ ગમે તેટલો વ્યસ્ત હોય, તો પણ તે તેની પત્ની માટે સમય કાઢે છે. તમને જણાવી દઈએ કે આ પહેલા પણ વિરાટ કોહલી પોતાની પત્ની અનુષ્કા શર્માને મેદાન પર વીડિયો કોલ કરી રહ્યો છે અને તે વીડિયો સોશિયલ મીડિયા પર વાયરલ થયો છે. તાજેતરમાં, જ્યારે બેંગલુરુએ વુમન્સ પ્રીમિયર લીગમાં ટ્રોફી જીતી ત્યારે વિરાટ કોહલીએ મહિલા ખેલાડીઓ સાથે વીડિયો કોલ પર વાત કરી હતી, જેનો વીડિયો સોશિયલ મીડિયા પર વાયરલ થયો હતો.
પંજાબ સામેની મેચમાં કોહલી પ્લેયર ઓફ ધ મેચ બન્યો: આ મેચમાં વિરાટ કોહલીએ 49 બોલ રમીને 11 ચોગ્ગા અને 2 છગ્ગાની મદદથી 75 રનની ઇનિંગ રમી હતી. આ સાથે તેને પ્લેયર ઓફ ધ મેચનો એવોર્ડ પણ આપવામાં આવ્યો હતો.
