માન્ચેસ્ટર: પૂર્વ ભારતીય ક્રિકેટર સંજય બાંગરના પુત્ર આર્યનનો એક વીડિયો સોશિયલ મીડિયા પર સામે આવ્યો છે. જેના કારણે તેમના વિશે એક અનોખી વાત સામે આવી છે. આ વિડિયો તેની હોર્મોનલ ટ્રાન્સફોર્મેશન જર્ની વિશે છે. સરળ શબ્દોમાં કહીએ તો, જે વીડિયો સામે આવ્યો છે તેમાં બાંગરનો પુત્ર આર્યન છોકરામાંથી છોકરીમાં બદલાતો બતાવવામાં આવ્યો છે. આર્યન બાંગરે આ વીડિયો પોતાના ઈન્સ્ટાગ્રામ પર પોસ્ટ કર્યો છે, જેમાં તેની વિરાટ, ધોની અને તેના પિતા સાથેની તસવીરો છે. હોર્મોનલ ટ્રાન્સફોર્મેશન પછીના કેટલાક ચિત્રો પણ છે. 10 મહિનાની સર્જરી બાદ આર્યન હવે અનાયા છે.
પિતા જેવો ક્રિકેટરઃ આર્યન બાંગર પણ તેના પિતા જેવો ક્રિકેટર છે. તે ડાબોડી બેટ્સમેન છે અને સ્થાનિક ક્રિકેટ ક્લબ ઈસ્લામ જીમખાના માટે ક્રિકેટ રમે છે. આ સિવાય તેણે લિસેસ્ટરશાયરમાં હિંકલે ક્રિકેટ ક્લબ માટે પણ ઘણા રન બનાવ્યા છે.
આર્યન અન્યા બનીને ખુશ:
આર્યન, જે છોકરી બની ગયો છે, તે હવે અન્યા બનીને ખુશ છે. તેણે પોતાની ઈન્સ્ટાગ્રામ પોસ્ટમાં લખ્યું, “મેં ક્રિકેટ રમવાનું મારું સપનું પૂરું કરવા માટે ઘણા બલિદાન આપ્યા છે. પરંતુ આ રમત સિવાય એક પ્રવાસ પણ છે, જે મારી પોતાની શોધ સાથે સંબંધિત છે. મારી સફર સરળ ન હતી. પરંતુ, આ જીત મારા માટે અન્ય કોઈપણ જીત કરતાં મોટી છે.
અનાયા માન્ચેસ્ટરમાં રહે છે:
અનાયા હાલમાં ઈંગ્લેન્ડના માન્ચેસ્ટરમાં રહે છે. જો કે તે કઈ ક્રિકેટ ક્લબનો ભાગ છે તે નિશ્ચિત નથી. પરંતુ, તેની ઇન્સ્ટાગ્રામ રીલ દર્શાવે છે કે તેણે ત્યાં રમાયેલી મેચમાં 145 રન પણ બનાવ્યા હતા.
Sanjay Bangar's son Aryan Bangar has become Anaya Bangar now. pic.twitter.com/4TLWZBunqY
— Incognito (@Incognito_qfs) November 10, 2024
સંજય બાંગરનું કરિયરઃ
સંજય બાંગરે 2014થી 2018 સુધી ભારતીય ટીમના બેટિંગ કોચ તરીકે કામ કર્યું છે. આ સમયગાળા દરમિયાન તેના પ્રથમ કોચ અનિલ કુંબલે હતા. તેણે રવિ શાસ્ત્રીના કોચિંગમાં પણ આ ભૂમિકા ભજવી હતી. તેણે ભારત માટે 12 ટેસ્ટ અને 15 વનડે મેચ રમી હતી. બાંગરે IPL 2022 સીઝનમાં રોયલ ચેલેન્જર્સ બેંગ્લોર (RCB) ના મુખ્ય કોચ તરીકે સેવા આપી હતી.
આ પણ વાંચો:
