તિનસુકિયા (આસામ): તિનસુકિયા જિલ્લાના ચાના નગર ડૂમ ડુમામાં એક ઘૃણાસ્પદ ઘટના બની છે. જેણે માનવ સમાજને શરમમાં મુકી દીધો છે. એક વ્યક્તિ પર ગંભીર આરોપ લગાવવામાં આવ્યો છે. એવું જાણવા મળ્યું છે કે, મોર્નિંગ સ્ટાર ક્લબના કોચ રંજન બર્મને નગાંવ, રાહા અને મોરીગાંવના ત્રણ છોકરાઓ તાલીમ આપવાનો પ્રયાસ કરતી વખતે બળાત્કાર કરવાનો પ્રયાસ જેવી ઘૃણાસ્પદ ઘટનાને અંજામ આપ્યો હતો. આ ત્રણ કિશોરના માતા-પિતાએ આ મામલે પોલીસ સ્ટેશનમાં અલગ-અલગ FIR નોંધાવી છે.
'ઓલ આસામ આધારિત અંડર-15 ડે એન્ડ નાઈટ પ્રાઈઝ મની' ફૂટબોલ ટુર્નામેન્ટમાં ભાગ લેવા આસામના વિવિધ ભાગોમાંથી છોકરાઓ ડૂમ ડૂમા પહોંચ્યા હતા. ફરિયાદ અનુસાર, મોર્નિંગ સ્ટાર ક્લબના કોચ રંજન બર્મને ત્રણેય છોકરાઓનું યૌન શોષણ કર્યું હતું. પ્રશિક્ષકે પરિવાર અને પોલીસને ઘટનાની જાણ કરશો તો જાનથી મારી નાખવાની ધમકી પણ આપી હતી.
આ ઘટના અંગે ત્રણેય કિશોરના માતા-પિતાએ પોલીસ સ્ટેશનમાં FIR નોંધાવી છે. આ ફરિયાદના આધારે રાહા, મોરીગાંવ અને ડૂમ ડુમા પોલીસે કેસ નોંધીને તપાસ શરૂ કરી છે. આ ઘટના સામે આવ્યા બાદથી ફૂટબોલ કોચ રંજન બર્મન ફરાર છે.
તમને જણાવી દઈએ કે, આ ફૂટબોલ કોચ પર અગાઉ પણ આવી જ ઘટનાઓ કરવાનો આરોપ છે. આસામના ડૂમ ડુમામાં બનેલી આ પ્રકારની ઘટનાએ સમગ્ર રમત જગતમાં ખળભળાટ મચાવી દીધો છે.
આ પણ વાંચો:
