સુરત : ગુજરાતી ભાષાનો જ્ઞાન ન હોવાના કારણે 521 સરકારી અધિકારી અને કર્મચારીઓએ પ્રિસાઇડિંગ ઓફિસરની ફરજમાંથી મુક્તિ માટે અરજી કરી હતી. એટલું જ નહીં આ સુરત જિલ્લામાં 3143 જેટલા કર્મચારીઓએ લોકસભાની ચૂંટણીમાં ફરજ મુક્તિ માટે અરજી કરી હતી. જિલ્લા ચૂંટણી અધિકારી દ્વારા 930 જેટલી અરજીઓને નામંજૂર કરવામાં આવી છે.લોકસભાની ચૂંટણીમાં ફ્રી એન્ડ ફેર ઇલેક્શન થાય આ માટે ચૂંટણી પંચ દ્વારા સરકારી અધિકારી અને કર્મચારીઓને અલગ અલગ ફરજ સોંપવામાં આવે છે. સુરત જિલ્લામાં આવા 27,336 જેટલા અધિકારી અને કર્મચારીઓને ચૂંટણી દરમિયાન ખાસ ડ્યુટી કરવા માટે ઓર્ડર ઇસ્યુ કરાયા હતા. પરંતુ આ ઓર્ડર પ્રમાણે ડ્યુટી ન કરવા માટે કુલ 3, 143 જેટલા અધિકારી અને કર્મચારીઓએ આ ફરજ પરથી મુક્તિ આપવા માટે જિલ્લા ઇલેક્શન અધિકારીને અરજી કરી હતી.અધિકારીઓએ અનેક કારણો જણાવીને ફરજ પરથી મુક્તિ આપવા માટે અરજી કરી હતી.
930 જેટલી અરજીઓ અમે નામંજૂર: નાયબ જિલ્લા ચૂંટણી અધિકારી આર. સી. પટેલે જણાવ્યું હતું કે, લોકસભાની ચૂંટણીને ધ્યાનમાં રાખી અલગ અલગ કામગીરી માટે અધિકારી અને કર્મચારીઓને ડ્યુટી આપવામાં આવતી હોય છે. આ ડ્યુટી ન કરવા માટે કુલ 3153 જેટલા અધિકારી અને કર્મચારીઓએ રજૂઆત કરી હતી કે તેઓને આ ફરજમાંથી મુક્તિ આપવામાં આવે. તેઓએ પોતાની અરજીમાં અલગ અલગ કારણો પણ દર્શાવ્યા હતા. જેમાં ખાસ કરીને તેઓએ જણાવ્યું હતું કે તેમના પિતા માતા અથવા તો પરિવારના સભ્યની બીમારીના કારણે તેઓ ફરજ પર હાજર રહી શકે નહીં તો બીજી બાજુ કેટલાક અધિકારી અને કર્મચારીઓએ લગ્નના કારણે દર્શાવ્યા છે. આ સાથે કેટલાક લોકોએ વિદેશ પ્રવાસ સહિત અનેક બાબતો જણાવ્યા છે. અમે 3143 અરજીઓ માંથી 1692 અરજીઓને માન્ય રાખી છે જ્યારે યોગ્ય કારણ ન હોવાના કારણે 930 જેટલી અરજીઓ અમે ના મંજૂર કરી છે.
પ્રથમ વાર ચૂંટણી પ્રક્રિયામાં સામેલ:સાથે તેઓએ જણાવ્યું હતું કે 521 જેટલા એવા અધિકારી અને કર્મચારીઓ છે જે કેન્દ્ર સરકારના અધીન આવે છે અને તેમને ગુજરાતી ભાષા આવડતી નથી. ચૂંટણીની સમગ્ર કામગીરી ગુજરાતી ભાષામાં મોટાભાગે થતી હોય છે. પરંતુ આ તમામ કર્મચારીઓએ ચૂંટણી દરમિયાન અન્ય કામગીરી કરવા માટે પોતાની સહમતિ દર્શાવી છે જેથી તેમને પ્રિસાઇડિંગ ઓફિસર ની ડ્યુટીમાંથી મુક્તિ આપી અન્ય ચૂંટણીલક્ષી કામગીરીમાં ફરજ આપવામાં આવશે. કેટલાક અધિકારીઓ એવા છે કે જેઓએ પ્રથમ વાર ચૂંટણી પ્રક્રિયામાં સામેલ થઈ રહ્યા છે અને તેમને ગુજરાતી ભાષા આવડતી નથી જેથી તેઓએ અન્ય કામગીરી કરવા માટે સંમતિ પણ જાહેર કરી છે અને પ્રિસાઇડિંગ ઓફિસર ન બનવા માટેની અરજી કરી હતી. આ તમામ 521 આવી અરજીઓ અમે મંજૂર કરી છે.
કોણ હોય છે પ્રિસાઇડિંગ ઓફિસર ?:મતદાનના દિવસે મહત્વની ભૂમિકા પ્રિસાઇડિંગ ઓફિસરની હોય છે. જે તે મતદાન મથક પર જે મુખ્ય અધિકારી હોય છે તેને પ્રિસાઇડિંગ અધિકારી કહેવામાં આવે છે. મતદાન શરૂ થવાથી લઈ અંત સુધી મહત્વની ભૂમિકા પ્રિસાઇડિંગ ઓફિસર ભજવે છે. તેમની ઉપર તમામ પ્રકારની જવાબદારી હોય છે. મતદાન સંબંધિત તમામ પ્રકારની સામગ્રીને ડિસ્પેજિંગ કરી તેને કોલ્ડ સ્ટોરેજ રૂમ સુધી પહોંચાડવાની કામગીરી પ્રિસાઇડિંગ ઓફિસરની હોય છે. જેમાં ફોર્મ ભરવાની સાથો સાથ સિગ્નેચરથી લઈ રિપોર્ટ અને અન્ય કાગળની કાર્યવાહી હું જવાબદારી તેમની ઉપર હોય છે. મતદાન મથકમાં વ્યવસ્થા માટે તેઓ જવાબદાર હોય છે.
- સુરત જિલ્લાના ગામડાઓમાં ભાજપ વિરૂદ્ધ બેનર્સ લાગતા હાઈકમાન્ડ ચિંતામાં, રુપાલાના વિરોધની ચિનગારી દાવાનળની જેમ ફેલાઈ - Loksabha Election 2024
