મહાઠગ સુકેશ ચંદ્રશેખરનો કરણ જોહરને પત્ર, લખ્યું- મારો પ્રેમ જેકલીન...

સુકેશે તિહાર જેલમાંથી ફરી એક ફિલ્મ નિર્દેશક અને નિર્માતા કરણ જોહરને પત્ર લખ્યો છે. તેણે ધર્મા પ્રોડક્શનમાં મોટો હિસ્સો ખરીદવાની ઈચ્છા વ્યક્ત કરી છે.

નવી દિલ્હીઃ કરોડો રૂપિયાની છેતરપિંડીના કેસમાં લાંબા સમયથી તિહાર જેલમાં બંધ માસ્ટર માઇન્ડ સુકેશ ચંદ્રશેખર જેલમાંથી દિલ્હીના એલજી અથવા ભારત સરકારને સતત પત્ર લખીને અવારનવાર હેડલાઇન્સમાં રહે છે. ત્યારે ફરી એકવાર તેણે પત્ર લખ્યો છે. આ વખતે તેણે ફિલ્મ નિર્દેશક કરણ જોહરને પત્ર લખ્યો છે, જેમાં સુકેશે જેકલીનનો ઉલ્લેખ પણ કર્યો છે.

સુકેશે કરણ જોહરને લખ્યો પત્ર

સુકેશે પોતાના પત્રમાં લખ્યું છે કે તે કરણ જોહરની પ્રોડક્શન કંપની ધર્મા પ્રોડક્શનમાં સૌથી મોટો શેર ખરીદવા માંગે છે. તેણે આગળ પત્રમાં લખ્યું છે કે તેણે પત્રમાં આગળ લખ્યું છે કે તે ધર્મા પ્રોડક્શનના શેર ખરીદવા માંગે છે, પત્ર અનુસાર કરણ જોહરને સંબોધીને તેણે લખ્યું છે કે તમે તમારી કંપની ધર્મા પ્રોડક્શનમાં નવા રોકાણકારો શોધી રહ્યા છો. આ વાતની માહિતી મને નાણાકીય સલાહકારે આપી છે અને એ પણ કહ્યું છે કે તમે રોકાણકારો માટે અલગ-અલગ કંપનીઓ સાથે વાત કરી રહ્યા છો. વધુમાં સુકેશે પત્રમાં લખ્યું છે કે મારી કંપની એલએસ હોલ્ડિંગ્સ બ્રિટિશ વર્જિન આઈલેન્ડમાં રજીસ્ટર્ડ છે અને તેની કંપની ઓનલાઈન ગેમિંગ માઈનિંગમાં પણ રસ ધરાવે છે. આ ઉપરાંત તેમનો આંતરરાષ્ટ્રીય મામલા અને અન્ય વ્યવસાય સાથે સંબંધિત 6300 કરોડ રૂપિયાનો બિઝનેસ છે. આટલું જ નહીં તેમની કંપનીમાં ફિલ્મ પ્રોડક્શન અને ફાઇનાન્સ કંપની પણ છે.

'70 થી વધુ ફિલ્મોમાં પૈસા લગાવ્યા છે'

પત્રના આગળના ભાગમાં તેણે લખ્યું છે કે અત્યાર સુધી તેની કંપનીએ બોલીવુડની 70 થી વધુ ફિલ્મોમાં પૈસા લગાવ્યા છે. આ સિવાય તેણે સાઉથ ઈન્ડિયન ફિલ્મોમાં પણ પૈસા લગાવ્યા છે અને તેણે કરણ જોહરને પણ ખાતરી આપી છે કે તેની કંપની ખૂબ જ સફળ છે અને મોટા સ્ટાર્સ સાથે કામ કરવાની ક્ષમતા ધરાવે છે અને તેની કંપની આ સ્ટાર્સ સાથે કામ કરવા સક્ષમ છે.

એટલું જ નહીં, પત્રના છેલ્લા ભાગમાં તેણે પોતાના પર લાગેલા આરોપો અંગે પણ સ્પષ્ટતા કરી છે અને લખ્યું છે કે મારી આસપાસ ઘણા કાયદાકીય કેસ છે. જેનો હું સામનો કરી રહ્યો છું તેણે એવો પણ દાવો કર્યો છે કે તેની પાસે કોઈ ગેરકાયદેસર વ્યવસાય નથી અને તે કાયદાના દાયરામાં રહીને તમામ કામ કરી રહ્યો છે. સુકેશે પત્રમાં એમ પણ લખ્યું છે કે તેનો પરિવાર ધર્મ પ્રોડક્શનને ખૂબ પસંદ કરે છે અને તે ધર્મ પ્રોડક્શનમાં 50 થી 70 ટકા હિસ્સો લેવા તૈયાર છે.

જેકલીનને પ્રેમની વાત કહી

આ પત્રમાં સુકેશે જેકલીનને 'LOVE OF MY LIFE' કહીને સંબોધી છે. સુકેશે લખ્યું છે કે જેકલીન તમારું ઘણું સન્માન કરે છે. હું, મારો પરિવાર ધર્મા પ્રોડક્શનના મોટા ચાહકો છીએ, ખાસ કરીને કરણ જોહરના.

આ પણ વાંચો: