મુંબઈ: બોલિવૂડ ફિલ્મ ઈન્ડસ્ટ્રીના પ્રખ્યાત ડિરેક્ટર અને ફિલ્મ મેકર સુભાષ ઘાઈને મુંબઈની લીલાવતી હોસ્પિટલમાં દાખલ કરવામાં આવ્યા છે. બુધવારે સુભાષ ઘાઈને શ્વાસ લેવામાં તકલીફ થવા લાગી. આ ઉપરાંત તેઓ નબળાઈ પણ અનુભવી રહ્યા હતા. તેમની લીલાવતી હોસ્પિટલના આઈસીયુમાં સારવાર ચાલી રહી છે. પ્રાપ્ત માહિતી અનુસાર, તેઓ ન્યુરોલોજીસ્ટ ડો. વિનય ચૌહાણ, પલ્મોનોલોજિસ્ટ ડો. જલીલ પારકર અને કાર્ડિયોલોજિસ્ટ ડો. નીતિન ગોખલેની દેખરેખ હેઠળ સારવાર લઈ રહ્યા છે. ટૂંક સમયમાં જ તેને ICUમાંથી જનરલ વોર્ડમાં શિફ્ટ કરવામાં આવશે.
79 વર્ષીય પ્રખ્યાત નિર્દેશક અને નિર્માતા સુભાષ ઘાઈની તબિયત બુધવારે અચાનક બગડ્યા બાદ તેમને તાત્કાલિક મુંબઈની લીલાવતી હોસ્પિટલમાં દાખલ કરવામાં આવ્યા હતા. શરૂઆતમાં એવું કહેવામાં આવ્યું હતું કે, તેમને રૂટીન ચેકઅપ માટે હોસ્પિટલમાં દાખલ કરવામાં આવ્યા છે. પરંતુ શ્વાસ લેવામાં તકલીફ થતાં તેમને ICUમાં દાખલ કરવા પડ્યા હતા. રિપોર્ટ્સ અનુસાર તેમની તબિયત હવે પહેલા કરતા સારી છે.
સુભાષ ઘાઈનું બાળપણથી જ એક્ટર બનવાનું સપનું હતું, પરંતુ સારા એક્ટર બનવાને બદલે તેમણે એક સફળ ડિરેક્ટર તરીકે ફિલ્મ ઈન્ડસ્ટ્રીમાં પોતાની ઓળખ બનાવી. પ્રખ્યાત હીરો રાજ કપૂર પછી સુભાષ ઘાઈને ફિલ્મ ઈન્ડસ્ટ્રીના બીજા 'શો મેન' કહેવામાં આવે છે. સુભાષ ઘાઈએ લગભગ 16 ફિલ્મો લખી અને નિર્દેશિત કરી. જેમાંથી 13 ફિલ્મો બોક્સ ઓફિસ પર હિટ રહી છે. સુભાષ ઘાઈને 2006માં રિલીઝ થયેલી ફિલ્મ 'ઈકબાલ' માટે નેશનલ એવોર્ડ પણ મળ્યો હતો.
સુભાષ ઘાઈએ રોમેન્ટિક, મ્યુઝિકલ, દેશભક્તિ અને થ્રિલર જેવી તમામ પ્રકારની ફિલ્મો કરી છે. તેમણે કાલીચરણ, કર્ઝ, વિશ્વનાથ, વિધાતા, હીરો, મેરી જંગ, રામ લખન, કર્ઝ, સૌદાગર, ખલનાયક, તાલ, પરદેશ અને યાદીન જેવી ઘણી હિટ ફિલ્મો આપી છે. સુભાષ ઘાઈ 'વ્હિસલિંગ વુડ્સ' નામની ફિલ્મ ઈન્સ્ટિટ્યૂટ ચલાવે છે. તે વિશ્વની ટોચની 10 ફિલ્મ સંસ્થાઓમાંની એક માનવામાં આવે છે જે આવી વીમા પોલિસી શરૂ કરનાર પ્રથમ બોલિવૂડ નિર્માતા છે.
આ પણ વાંચો:
