નવી દિલ્હી: ગાયકીની દુનિયામાં પોતાનું નામ બનાવ્યા બાદ હિન્દી સિનેમાની દિગ્ગજ ગાયિકા અનુરાધા પૌડવાલ હવે રાજકારણમાં પોતાનું નસીબ અજમાવવાની તૈયારી કરી રહી છે. મીડિયા રિપોર્ટ્સ અનુસાર, અનુરાધા પૌડવાલ આજે 16 માર્ચે ભારતીય જનતા પાર્ટીમાં જોડાઈ ગઈ છે.
નરેન્દ્ર મોદીના વખાણ કરતી જોવા મળી: અનુરાધા પૌડવાલ પણ ઘણા પ્રસંગોએ વડાપ્રધાન નરેન્દ્ર મોદીના વખાણ કરતી જોવા મળી હતી. જાન્યુઆરી મહિનામાં જ્યારે અયોધ્યામાં રામ મંદિરનું ઉદ્ઘાટન થયું ત્યારે તેઓ રામ મંદિરમાં ભજન ગાતા પણ જોવા મળ્યા હતા. ભાજપમાં જોડાયા બાદ અનુરાધા પૌડવાલે કહ્યું કે, મને ખુશી છે કે આજે હું એવા લોકો સાથે જોડાઈ રહી છું જેમનો સનાતન સાથે ઊંડો સંબંધ છે.
'અભિમાન'થી તેની સિંગિંગ કરિયરની શરૂઆત: અનુરાધા પૌડવાલ હિન્દી સિનેમાની પ્રખ્યાત ગાયિકા છે. ફિલ્મી દુનિયા બાદ હવે તે ભજન ગાયકીની દુનિયામાં પોતાની ઓળખ બનાવી છે. 27 ઓક્ટોબર, 1954ના રોજ મુંબઈમાં જન્મેલી અનુરાધાએ 1973માં અમિતાભ બચ્ચન અને જયા પ્રદા અભિનીત ફિલ્મ 'અભિમાન'થી તેની સિંગિંગ કરિયરની શરૂઆત કરી હતી. અનુરાધા પૌડવાલને ફિલ્મ 'આશિકી', 'દિલ હૈ કી માનતા નહીં' અને 'બેટા' માટે ફિલ્મફેર એવોર્ડથી સન્માનિત કરવામાં આવી હતી.
કોણ છે અનુરાધા પૌડવાલ?: અનુરાધા પૌડવાલની ઉંમર લગભગ 70 વર્ષની છે. તેણીના લગ્ન 1969માં અરુણ પૌડવાલ સાથે થયા હતા, જેઓ એસડી બર્મનના સહાયક અને સંગીતકાર હતા. અનુરાધા પૌડવાલને 2 બાળકો છે, એક પુત્ર આદિત્ય પૌડવાલ અને એક પુત્રી કવિતા પૌડવાલ. વર્ષ 1991માં તેના પતિનું અકસ્માતમાં મૃત્યુ થયું હતું.
