મુંબઈ: નાગ અશ્વિનની 'કલ્કી 2898 એડી' 27 જૂને સિનેમાઘરોમાં રિલીઝ થઈ છે અને બોક્સ ઓફિસ પર સારી કમાણી કરી રહી છે. આ ફિલ્મે પહેલા અઠવાડિયામાં રેકોર્ડ તોડી નાખ્યા છે અને બીજા વીકએન્ડમાં પણ બોક્સ ઓફિસ પર ધૂમ મચાવી દીધી છે. ફિલ્મનું 10 દિવસનું કલેક્શન 800 કરોડ રૂપિયા છે, જ્યારે 11માં દિવસે ફિલ્મે 900 કરોડ રૂપિયાનો આંકડો પાર કરી લીધો છે.
બીજા સપ્તાહના અંતે ફિલ્મની કમાણી: ફિલ્મ કલ્કી 2898 એડી બોક્સ ઓફિસ પર સારો દેખાવ કર્યો. આ મલ્ટી-સ્ટારર ફિલ્મે બોક્સ ઓફિસ પર 95 કરોડની કમાણી કરી ખાતું ખોલાવ્યું હતું. ફિલ્મની પહેલા વીકેન્ડની કમાણી 414 કરોડ રૂપિયા હતી. હવે બીજા વીકેન્ડની કમાણી પણ સામે આવી છે. મીડિયા ટ્રેકર Sacanilc અનુસાર, પ્રભાસ સ્ટારર ફિલ્મ સ્થાનિક બોક્સ ઓફિસ પર બ્લોકબસ્ટર રહી છે, તેણે 11મા દિવસ સુધી 506.87 કરોડ રૂપિયાની કમાણી કરી છે. ફિલ્મનું વર્લ્ડવાઈડ કલેક્શન 900 કરોડ રૂપિયા સુધી પહોંચી ગયું છે.
કલ્કીએ તોડ્યા અનેક ફિલ્મોના રેકોર્ડ: કલ્કીએ રિલીઝના 11મા દિવસે 40 કરોડ રૂપિયાથી વધુની કમાણી કરી લીધી છે. બીજા વીકેન્ડ પર ફિલ્મના બિઝનેસમાં જબરદસ્ત ઉછાળો આવ્યો છે અને તેણે બોક્સ ઓફિસ પર શાનદાર કલેક્શન કર્યું છે. કલ્કીએ જવાન, KGF2, પઠાણ જેવી ઘણી ફિલ્મોના રેકોર્ડ તોડ્યા છે. પ્રભાસે કલ્કી 2898 એડીમાં મુખ્ય ભૂમિકા ભજવી છે, તેની સાથે દીપિકા પાદુકોણ, અમિતાભ બચ્ચન, કમલ હાસને આ ફિલ્મમાં ખાસ ભૂમિકાઓ ભજવી છે. વિજય દેવરકોંડા અને દુલકર સલમાને ફિલ્મમાં શાનદાર કેમિયો કર્યો છે. આ ફિલ્મ 27 જૂને હિન્દી, તમિલ, તેલુગુ, મલયાલમ અને કન્નડ ભાષામાં રિલીઝ થઈ છે.
