મુંબઈ: વરિષ્ઠ ગાયક-નિર્માતા દાદા સતરામ રોહરાનું નિધન થયું છે. ફિલ્મ લિજેન્ડે 18 જુલાઈએ અંતિમ શ્વાસ લીધા. તેઓ 85 વર્ષના હતા. દાદા સતરામ અત્યાર સુધીની સૌથી મોટી હિટ ફિલ્મ 'જય સંતોષી મા'ના નિર્માણ માટે જાણીતા છે. સતરામ રોહરાની 1975ની જય સંતોષી મા ઐતિહાસિક બ્લોકબસ્ટર હતી. રોહરા સિંધી સમુદાયમાં જાણીતું નામ હતું અને તે નિર્માતા અને ગાયક હતા.
JAI SANTOSHI MAA released today in 1975
— Film History Pics (@FilmHistoryPic) May 30, 2022
One of highest grossers ever - “people traveled miles in bullock carts to watch this film, threw flowers/coins on screen, some left footwear outside the theatre & small cinema hall owners even kept a donation box to earn money” pic.twitter.com/3ZMpo1Kd1b
એક રોડીયો ચેનલે તેના ઈન્સ્ટાગ્રામ પેજ પર નિર્માતા દાદા સતરામના મૃત્યુની પુષ્ટિ કરી છે. તેમના નિધનના સમાચાર શેર કરતા, સત્તાવાર નોટમાં લખ્યું, 'અમને જણાવતા ખૂબ જ દુઃખ થાય છે કે પ્રખ્યાત ગાયક અને ફિલ્મ નિર્માતા દાદા સતરામ રોહરાનું 18 જુલાઈ 2024 ના રોજ નિધન થયું. તેમની આત્માને શાંતિ મળે અને આ મુશ્કેલ સમયમાં તેમના પરિવારને શક્તિ આપે.
નોટમાં તેણે આગળ લખ્યું, 'દાદા સતરામ રોહરાએ દાદા રામ પંજવાણી, ભગવંતી નાવાણી, કમલા કેસવાણી અને અન્ય ઘણા પ્રખ્યાત ગાયકો સાથે ઘણા સુપરહિટ ગીતો આપ્યા. તેણે બ્લોકબસ્ટર સિંધી ફિલ્મ 'હાલ તા ભાજી હાલું' અને હિન્દી ફિલ્મ 'જય સંતોષી મા'નું નિર્માણ કર્યું. તેઓ એકમાત્ર એવા વ્યક્તિ છે જે મહાન ગાયિકા લતા મંગેશકરને સિંધી ગીતો ગાવા માટે રાજી કરી શક્યા. દાદા સતરામ રોહરાનું અવસાન એ સિંધી સમાજ માટે મોટી ખોટ છે અને આ શૂન્યાવકાશ કોઈ પુરી નહીં શકે.
સતરામ રોહરાનું જીવન પરિચય: સતરામ રોહરાનો જન્મ 16 જૂન 1939ના રોજ સિંધી પરિવારમાં થયો હતો. તેણે નિર્માતા અને ગાયક તરીકે ઇન્ડસ્ટ્રીમાં પોતાની ઓળખ બનાવી. તેણે 1966માં શેરા ડાકુ સાથે નિર્માતા તરીકે ફિલ્મ ઈન્ડસ્ટ્રીમાં ડેબ્યૂ કર્યું હતું. તે પછી 1973માં 'રોકી મેરા નામ' આવી. આ પછી તેણે 'જય સંતોષી મા' પ્રોડ્યુસ કરી, જે બ્લોકબસ્ટર ફિલ્મ હતી. આ સિવાય તેણે જીતેન્દ્ર અને હેમા માલિની સ્ટારર 'નવાબ સાહેબ', 'ઘર કી લાજ', 'કરણ' અને 'જય કાલી' જેવી ફિલ્મો પણ કરી હતી. ફિલ્મ નિર્માતા ઉપરાંત તેઓ ગાયક પણ હતા. તેણે 'ઝુલેલાલ', 'હાલ તા ભાજી હાલુ', 'શાલ ધ્યાન ના જમાન', 'લાડલી' જેવા કેટલાક સિંધી ગીતોને પોતાનો અવાજ આપ્યો.
