મુંબઈ : કારોબારી સપ્તાહના ચોથા દિવસે શેરબજાર ગ્રીન ઝોનમાં ખુલ્યું છે. BSE પર સેન્સેક્સ 193 પોઈન્ટના ઉછાળા સાથે 80,103.40 પર ખુલ્યો હતો. સાથે જ NSE પર નિફ્ટી 0.30 ટકાના વધારા સાથે 24,396.55 પર ખુલ્યો હતો.
સ્ટોકની સ્થિતિ : બજાર ખુલતાની સાથે નિફ્ટી પર ટાટા સ્ટીલ, ICICI બેંક, TCS, હિન્દાલ્કો ઇન્ડસ્ટ્રીઝ, ટાઈટન કંપની વધારા સાથે ટ્રેડ કરી રહી છે. જ્યારે ITC, HDFC બેંક, M&M, Divis Labs અને Tata કન્ઝ્યુમર્સ ઘટાડા સાથે ટ્રેડ કરી રહ્યાં છે.
બુધવારનું ટ્રેડિંગ : ટ્રેડિંગ સપ્તાહના ત્રીજા દિવસે શેરબજાર રેડ ઝોનમાં ભારે ઘટાડા સાથે બંધ થયું હતું. BSE પર સેન્સેક્સ 426 પોઈન્ટના ઘટાડા સાથે 79,924.77 પર બંધ રહ્યો હતો. તે જ સમયે, NSE પર નિફ્ટી 0.45 ટકાના ઘટાડા સાથે 24,323.20 પર બંધ થયો.
IPO અપડેટ : સહજ સોલરનો IPO આજે સબસ્ક્રિપ્શન માટે ખુલ્યો છે. બુક-બિલ્ટ ઈશ્યુનો ધ્યેય 2.92 મિલિયન નવા શેર ઈશ્યુ કરીને રૂ. 52.56 કરોડ એકત્ર કરવાનો છે. આ IPO 15 જુલાઈએ બંધ થશે. ઈશ્યુની પ્રાઇસ બેન્ડ પ્રતિ શેર રૂ. 171 થી રૂ. 180 નક્કી કરવામાં આવી છે.
કંપનીએ એન્કર રોકાણકારો પાસેથી રૂ. 14.83 કરોડ એકત્ર કર્યા છે. ત્રણ મુખ્ય ક્ષેત્રોમાં કામગીરી સાથે નવીનીકરણીય ઉર્જા ઉકેલોની અગ્રણી પ્રદાતા કંપનીની સ્થાપના 2010 માં કરવામાં આવી હતી. તે દેશમાં સોલાર વોટર પમ્પિંગ સિસ્ટમ્સ અને વ્યાપક એન્જિનિયરિંગ, પ્રોક્યુરમેન્ટ એન્ડ કન્સ્ટ્રક્શન (EPC) સેવાઓ પણ પ્રદાન કરે છે.
