નવી દિલ્હીઃ રાજધાની દિલ્હીમાં ડેન્ગ્યુ ઝડપથી ફેલાઈ રહ્યો છે. MCDએ 2 વધુ દર્દીઓની ડેંન્ગ્યુના કારણે મોતની પુષ્ટિ કરી છે. ડેથ રિવ્યુ કમિટી પાસે આ બંનેનો કેસ પેન્ડિંગ હતો. આ 2 મોતની પુષ્ટિ દિલ્હી મ્યુનિસિપલ કોર્પોરેશને કરી છે. દિલ્હી મ્યુનિસિપલ કોર્પોરેશન દ્વારા બહાર પાડવામાં આવેલા અહેવાલ મુજબ, હવે આ બે લોકોના મૃત્યુ સહિત, આ વર્ષે દિલ્હીમાં ડેન્ગ્યુના કારણે કુલ પાંચ લોકોના મોત થયા છે. જો દિલ્હીમાં અત્યાર સુધી નોંધાયેલા ડેન્ગ્યુના કેસની વાત કરીએ તો દિલ્હીમાં ડેન્ગ્યુના કેસોની સંખ્યા 6000ને પાર થઈ ગઈ છે.
MSDના રિપોર્ટ અનુસાર દિલ્હીમાં ગયા અઠવાડિયે ડેન્ગ્યુના 273 નવા કેસ નોંધાયા છે. આ ઉપરાંત મેલેરિયા અને ચિકનગુનિયાના કેસ ગયા અઠવાડિયે જોવા મળ્યા હતા. ગયા અઠવાડિયે મેલેરિયાના 7 અને ચિકનગુનિયાના 13 કેસ નોંધાયા હતા. મ્યુનિસિપલ કોર્પોરેશનના અધિકારીઓના જણાવ્યા અનુસાર હવે હવામાન બદલાઈ રહ્યું છે. અનેક સ્થળોએ ઘર અને ઘરની બહાર ગટરોમાં ભરાયેલા પાણીને કારણે મચ્છરોની ઉત્પત્તિના કારણે ડેન્ગ્યુના કેસ નોંધાયા છે.
તમને જણાવી દઈએ કે, દિલ્હીમાં ઓગસ્ટ મહિનાથી ડેન્ગ્યુના કેસોમાં વધારો થવાનો સિલસિલો શરુ થયો હતો. જે હજુ પણ ચાલુ છે. ઓગસ્ટ મહિનામાં દિલ્હીમાં 256 નવા કેસો નોંધાયા છે. ત્યારથી ડેંન્ગ્યૂના દર્દીઓમાં વધારો થવાનો સિલસિલો એવો શરુ થયો છે જે હજુ સુધી ચાલુ છે.
| મહિના | ડેન્ગ્યુના કેસો |
| ઓગસ્ટ 2024 | 256 |
| સપ્ટેમ્બર 2024 | 1052 |
| ઓક્ટોબર 2024 | 700 |
| નવેમ્બર 2024 | 500 |
| ડિસેમ્બર (પ્રથમ સપ્તાહ) | 273 |
ઓગસ્ટ બાદ સપ્ટેમ્બર મહિનામાં પણ ડેન્ગ્યુના 4 ગણા વધુ નવા કેસ નોંધાયા છે. સપ્ટેમ્બર મહિનામાં ડેન્ગ્યુના નવા કેસોની સંખ્યા 1052 હતી. તે જ સમયે, ઓક્ટોબરમાં, ડેન્ગ્યુના કેસોની સંખ્યા 700 થી વધુ હતી. પ્રથમ સપ્તાહમાં જ ડેન્ગ્યુના 485 કેસ નોંધાયા હતા. આ પછી નવેમ્બરમાં પણ ડેન્ગ્યુના 500 થી વધુ કેસ નોંધાયા છે. તે જ સમયે, ડિસેમ્બરના પ્રથમ સપ્તાહમાં પણ ડેન્ગ્યુના નવા દર્દીઓની સંખ્યા 273 હતી. આ રીતે સ્પષ્ટ થાય છે કે રાજધાની દિલ્હીમાં હજુ પણ ડેન્ગ્યુનો પ્રકોપ ચાલુ છે. તેથી લોકોએ સાવચેત રહેવાની જરૂર છે. દિલ્હી મ્યુનિસિપલ કોર્પોરેશનની ટીમો હજુ પણ ઘરોમાં ડેન્ગ્યુના લાર્વા, સ્થિર પાણી અને દવાઓના છંટકાવ પર કામ કરી રહી છે અને લોકોને ડેન્ગ્યુથી બચવા માટે સતત જાગૃત કરવામાં આવી રહ્યા છે.
આ પણ વાંચો:
