મંડી: બાલ્હ વિધાનસભા મતવિસ્તારના ધારાસભ્ય ઈન્દર સિંહ ગાંધીએ મંડી લોકસભા બેઠક પરથી ભાજપ ઉમેદવાર કંગના રનૌતની જીત માટે સખત મહેનત કરી હતી. આ સાથે બીજેપીના આ ઉમેદવારે તેમના વિધાનસભા ક્ષેત્રમાંથી 9,742 મતોની લીડ અપાવવા માટે દિવસ-રાત કામ કર્યું.
કંગનાની જીત્યા બાદ કરાવી દાઢી: બાલ્હ વિધાનસભાથી કંગના રનૌતને કુલ 36,238 વોટ મળ્યા છે. જ્યારે કોંગ્રેસના ઉમેદવાર વિક્રમાદિત્ય સિંહને બલ્હથી 26,496 મતોથી સંતોષ માનવો પડ્યો હતો, અને પરાજય સ્વીકારવી પડી હતી. જાણવા જેવી બાબત એ છે કે, લોકસભા ચૂંટણી દરમિયાન બાલ્હના ધારાસભ્યએ કંગના રનૌતની જીત માટે મંદિરમાં ધાર્મિક વિધિ કરતી વખતે દાઢી નહીં કરવાની પ્રતિજ્ઞા લીધી હતી. તેમણે કહ્યું હતું કે, કંગના જીત્યા બાદ જ તે દાઢી કરાવશે.
જે કહે છે તે સત્ય બને: કંગનાની જીત નિશ્ચિત થયા બાદ ધારાસભ્યએ નેર ચોકમાં દાઢી કરાવી હતી. ધારાસભ્ય ઇન્દ્ર સિંહ ગાંધીએ આ વિશે વધુમાં જણાવતા કહ્યું કે, તેમના મોઢામાં 32 દાંત છે અને તેઓ જે કહે છે તે સત્ય બની જાય છે.
સુખુના યુવા મંત્રીને 74755 માર્જીનથી પરાજય આપ્યો: ચૂંટણી પ્રચાર દરમિયાન, બાલ્હ ધારાસભ્યએ ઘણી વખત કહ્યું હતું કે, કંગના રનૌતને બલ્હથી 36000થી વધુ મત મળશે અને કંગનાને સમગ્ર સંસદીય ક્ષેત્રમાંથી 5 લાખથી વધુ મત મળશે. બાલ્હ ધારાસભ્યની આ બંને વાત સાચી સાબિત થઈ છે. તેમણે કંગના રનૌતને જીત માટે અભિનંદન પાઠવ્યા હતા અને વિજય માટે બલ્હના સમગ્ર લોકો તેમજ દરેક બૂથ સ્તરના કાર્યકર્તા, ભૂતપૂર્વ મુખ્ય પ્રધાન જય રામ ઠાકુર સહિત તમામ મોરચા અને તેમના તમામ નેતાઓનો આભાર વ્યક્ત કર્યો હતો. અહીં નોંધનીય છે કે, મંડી લોકસભા સીટ પર બીજેપી ઉમેદવાર કંગના રનૌતે સુખુ સરકારના યુવા મંત્રી વિક્રમાદિત્ય સિંહને 7,4755 વોટના માર્જીનથી હરાવ્યા છે.
