અમદાવાદ : આજે 29 ડિસેમ્બર, શનિવારના રોજ ચંદ્ર વૃશ્ચિક રાશિમાં છે. આ રાશિફળમાં આપણે જાણીશું કે કઈ રાશિના જાતકોનું આજનો દિવસ સારો રહેશે. કાર્યક્ષેત્રમાં બધી બાર રાશિઓનો દિવસ કેવો પસાર થશે. કોને મળશે પાર્ટનરનો સાથ. આજનું રાશિફળ ચંદ્ર પર આધારિત છે.
મેષ: આજે વૃશ્ચિક રાશિમાં ચંદ્રનું ભ્રમણ થઇ રહ્યું છે. ચંદ્ર આપની રાશિથી અષ્ટમ ભાવમાં છે. આપનો આજનો દિવસ આધ્યાત્મિક દૃષ્ટિએ અનોખી અનુભૂતિ કરાવનાર નીવડશે. ગૂઢ અને રહસ્યમય વિદ્યાઓ શીખવામાં વિશેષ રસ લેશો. આધ્યાત્મિક સિદ્ધિઓ મળવાના પણ યોગ છે. નવા કામની શરૂઆત માટે શુભ સમય નથી. પ્રવાસમાં અણધારી મુશ્કેલીઓ આવી પડે. ક્રોધ અને વાણી પર સંયમ રાખવો. હિતશત્રુઓ આપને હાનિ ન પહોંચાડે તેની કાળજી લેવાની સલાહ આપવામાં આવે છે.
વૃષભ: આજે વૃશ્ચિક રાશિમાં ચંદ્રનું ભ્રમણ થઇ રહ્યું છે. ચંદ્ર આપની રાશિથી સપ્તમ ભાવમાં છે. આજે આપ દાંપત્યજીવનને વિશેષ માણશો અને તેનું સુખ ભોગવી શકશો. પરિવાર સાથે કોઇ સામાજિક મેળાવડામાં ફરવાના સ્થળે તો ટૂંકા પ્રવાસે જાઓ અને આનંદમાં સમય પસાર કરો. વેપારીઓ અને વેપારની વૃદ્ધિ કરી શકશે. તેમજ તે અંગેની વાતચીત કરી શકશો. સામાજિક જીવનમાં આપના માટે અને યશકીર્તિ મળે. આકસ્મિક ધનલાભની શક્યતા નકારી શકાય નહીં.
મિથુન: આજે વૃશ્ચિક રાશિમાં ચંદ્રનું ભ્રમણ થઇ રહ્યું છે. ચંદ્ર આપની રાશિથી ષષ્ટમ ભાવમાં છે. આજનો દિવસ આપના માટે કાર્યસફળતા તથા યશકીર્તિ લઇને આવ્યો છે. ઘરમાં પણ પરિવારજનો સાથે આપ આનંદ ઉલ્લાસના વાતાવરણમાં સુખમય સમય પસાર કરશો. નાણાકીય લાભ મળે. જરૂરી બાબતો પાછળ ખર્ચ થાય. શારીરિક અને માનસિક રીતે સ્વસ્થતા અનુભવાય. આજે ક્રોધ પર કાબૂ અને જીભ પર લગામ રાખવી પડે. નહીં તો મનદુ:ખના પ્રસંગ ઉભા થવાની શક્યતા રહે છે. સહકર્મચારીઓનો સહકાર મળે. માન- સન્માન પ્રાપ્તિ થાય. અધુરાં કાર્યો પૂરા થાય.
કર્ક: આજે વૃશ્ચિક રાશિમાં ચંદ્રનું ભ્રમણ થઇ રહ્યું છે. ચંદ્ર આપની રાશિથી પંચમ ભાવમાં છે. આપનો આજનો દિવસ શારીરિક માનસિક આંશિક બેચેનીમાં પસાર થશે કારણ કે આપના મનમાં સંખ્યાબંધ વિચારો ઘુમરાશે. મિત્ર અને સંતાનો અંગેની બાબતોમાં વધુ વ્યસ્ત રહો. કોઇ કારણસર ઓચિંતો ધનખર્ચ થાય. પ્રિયપાત્ર સાથે અબોલા કે મનદુ:ખ થાય. વધુ પડતો વાદવિવાદ આજે ટાળવો. મુસાફરી બને ત્યાં સુધી ન કરવી. વિજાતીય આકર્ષણ આપને માટે સંકટ ન લાવે તેનું ધ્યાન રાખવું. અરૂચિ, અપચો જેવી બીમારીઓ સતાવે. બૌદ્ધિક ચર્ચાથી દૂર રહેવું.
સિંહ: આજે વૃશ્ચિક રાશિમાં ચંદ્રનું ભ્રમણ થઇ રહ્યું છે. ચંદ્ર આપની રાશિથી ચતુર્થ ભાવમાં છે. આજે પરિવારમાં વિસંવાદિતાનું વાતાવરણ રહે. કુટુંબીજનો સાથે વાણી અને વર્તનમાં વિનમ્રતા અને પારદર્શકતા રાખવી. માતા સાથે વધુ સમય વિતાવવો અને તેમના સ્વાસ્થ્ય સુખાકારી માટે સેવા કરવી. મનમાં નકારાત્મક વિચારો આવતા અસ્વસ્થતા વધી શકે છે માટે આવા વિચારો છોડીને ધાર્મિક બાબતોમાં ધ્યાન આપી શકો છો. જમીન, વાહન, મકાન વગેરેના દસ્તાવેજો પર સહીસિક્કા કરવા માટે દિવસ સારો નથી. નોકરિયાતોને નોકરીમાં ચિંતા રહે. સ્ત્રી વર્ગ તથા પાણીથી સંભાળીને રહેવાની સલાહ આપવામાં આવે છે.
કન્યા: આજે વૃશ્ચિક રાશિમાં ચંદ્રનું ભ્રમણ થઇ રહ્યું છે. ચંદ્ર આપની રાશિથી તૃતીય ભાવમાં છે. તન- મનનું સ્વાસ્થ્ય જળવાશે, સાથે સાથે આપ લાગણીભર્યા સંબંધોથી દ્રવીભૂત થશો. ભાઇબહેનો સાથે સારી રીતે સમય પસાર થાય. અને તેમના દ્વારા લાભ પણ મળે. હરીફોની ચાલ નિષ્ફળ નીવડે. ભાગ્યવૃદ્ધિના યોગ એમ છતા કોઇપણ કાર્યમાં અવિચારી પગલાંથી નુકસાન થઇ શકે છે. ગૂઢ અને આધ્યાત્મિક બાબતોમાં સિદ્ધિ મળે.
તુલા: આજે વૃશ્ચિક રાશિમાં ચંદ્રનું ભ્રમણ થઇ રહ્યું છે. ચંદ્ર આપની રાશિથી દ્વિતિય ભાવમાં છે. આજના દિવસે આપનું માનસિક વલણ દ્વિધાભર્યું રહે તેથી મહત્વના નિર્ણયો ન લેવાની સલાહ આપવામાં આવે છે. નવા કાર્યનો પ્રારંભ ન કરવો. વાણી પર સંયમ રાખવાથી પરિવારજનો સાથે વાદવિવાદ નહીં થાય. જિદ્દી વલણ છોડીને આપે સમાધાન કરવું પડે. આર્થિક લાભની શક્યતા છે. સ્વાસ્થ્ય સંભાળવું.
વૃશ્ચિક: આજે વૃશ્ચિક રાશિમાં ચંદ્રનું ભ્રમણ થઇ રહ્યું છે. ચંદ્ર આપની રાશિથી પ્રથમ ભાવમાં છે. પરિવારજનો સાથે આજનો દિવસ આનંદ પ્રમોદમાં પસાર થશે. તન મનની પ્રસન્નતા રહેશે. પ્રિયજન સાથેનો મુલાકાત સફળ અને આનંદદાયક રહેશે. કોઇ શુભ સમાચાર મળે. મિત્રો, સ્નેહીજનો તરફથી ઉપહાર મળતાં આનંદ અનુભવો. આનંદદાયક પ્રવાસ થાય. દાંપત્યજીવનમાં મધુરતા રહે. એકંદરે આખો દિવસ ખુશાલીમાં પસાર થાય.
ધન: આજે વૃશ્ચિક રાશિમાં ચંદ્રનું ભ્રમણ થઇ રહ્યું છે. ચંદ્ર આપની રાશિથી દ્વાદશ ભાવમાં છે. આજનો દિવસ થોડો સંભાળીને ચાલવા જેવો છે. પરિવારના સભ્યો સાથે કોઈ બાબતે મનદુ:ખ હોય તો શાંતિથી ચર્ચા કરીને ઉકેલ લાવવાનો પ્રયાસ કરવો. સ્વભાવમાં ક્રોધ અને આવેશને અંકુશમાં રાખવાની સલાહ છે. આરોગ્યપણ વિશેષ કાળજી લેવાની ટકોર કરવામાં આવે છે. વાણી અને વર્તનમાં સંયમ રાખવાથી આપની ઘણી સમસ્યાઓ આવતા પહેલા જ ઉકેલાઈ જશે. અકસ્માતથી બચવા માટે બિનજરૂરી ઉતાવળ ટાળવી. નાણાં ખર્ચ વધુ પડતો થાય. અદાલતને લગતા કામકાજોમાં સાવધાનીપૂર્વક પગલું ભરવું.
મકર: આજે વૃશ્ચિક રાશિમાં ચંદ્રનું ભ્રમણ થઇ રહ્યું છે. ચંદ્ર આપની રાશિથી એકાદશ ભાવમાં છે. આજના લાભદાયી દિવસે આપના ઘરમાં શુભ પ્રસંગનું આયોજન શક્ય બને. કોઇપણ વસ્તુની ખરીદી માટે આજે શુભ દિવસ છે. શેરસટ્ટાકીય પ્રવૃત્તિમાં ધનલાભ થાય. મિત્રો સંબંધીઓ સાથેની મુલાકાત આનંદિત કરશે. સામાજિક ક્ષેત્રે, નોકરી વ્યવસાયમાં લાભ મળે, માન પ્રતિષ્ઠા વધે. પત્ની, પુત્રનો સહકાર સાંપડશે. લગ્નોત્સુક પાત્રોને તેમની પસંદગીનું પાત્ર મળે.
કુંભ: આજે વૃશ્ચિક રાશિમાં ચંદ્રનું ભ્રમણ થઇ રહ્યું છે. ચંદ્ર આપની રાશિથી દશમ ભાવમાં છે. આજે આપના પર ઉપરી અધિકારીઓ અને વડીલવર્ગની પણ કૃપા દૃષ્ટિ રહેશે. આપના દરેક કાર્યો સરળતાથી પાર પડતા લાગે, નોકરી- વ્યવસાયના ક્ષેત્રે પરિસ્થિતિ અનુકૂળ રહે. આપ માનસિક રીતે હળવાશ અનુભવશો. તંદુરસ્તી જળવાશે. માન- સન્માન વધે. ગૃહસ્થજીવનમાં આનંદની અનુભૂતિ કરશો.
મીન: આજે વૃશ્ચિક રાશિમાં ચંદ્રનું ભ્રમણ થઇ રહ્યું છે. ચંદ્ર આપની રાશિથી નવમ ભાવમાં છે. આજે આપ તન અને મનથી થાક તથા થોડી બેચેનીનો અનુભવ કરશો. સંતાનોની બાબતોમાં અથવા તેમને લગતા વિવિધ કાર્યોમાં આજે આપનો ઘણો સમય ખર્ચાઇ જશે. નોકરીમાં ઉપરી અધિકારીઓ સાથે વાદવિવાદ ટાળવો તેમજ શક્ય હોય ત્યાં સુધી તમારા કામથી મતલબ રાખવો. હરીફો માથું ઉંચકવાનો પ્રયાસ કરે પરંતુ જો કામ પ્રત્યે તમે સમર્પિત હશો તો સ્થિતિ અંકુશમાં આવી જશે. સરકાર તરફથી કોઇ પરેશાની ઉભી થાય તેવા કોઈપણ કાર્યોથી દૂર રહેવું.
