পবিত্ৰ ঈদ উপলক্ষে মৰাণত দেখা গ'ল ভাতৃত্ববোধৰ অন্য এক নিদৰ্শন

পবিত্ৰ ঈদ উপলক্ষে মৰাণত ঈদ মোবাৰক অনুষ্ঠানত দেখা গ'ল ভাতৃত্ববোধৰ এক অনন্য নিদৰ্শন ৷ মৰাণৰ নিতাই পথত যুৱ সমাজ আৰু সমন্বয়ৰক্ষীৰ উদ্যোগত মুছলমান সম্প্ৰদায়ৰ পবিত্ৰ ঈদ উপলক্ষে অনুষ্ঠিত হয় ঈদ মোবাৰক অনুষ্ঠান (Eid Mubarak programme held at Moran) । এই ঈদ মোবাৰক অনুষ্ঠানত কণ্ঠশিল্পী কুসুম কৈলাশে জিকিৰ পৰিৱেশন কৰাৰ লগতে নিমন্ত্ৰণ কৰি অনা বিহু দলে বিহু পৰিৱেশন কৰে ৷ পোন প্ৰথমবাৰৰ বাবে পবিত্ৰ ঈদৰ অনুষ্ঠানত এইদৰে সমন্বয় আৰু ভাতৃত্ববোধৰ এনাজৰীডাল শক্তিশালী কৰাৰ উদ্দেশ্যে বিহু প্ৰদৰ্শন কৰা পৰিলক্ষিত হয় ৷