বেউলা লখিন্দাৰৰ কাহিনীৰে পুনৰুজ্জীৱিত হ'ল বিলাসীপাৰা

বিলাসীপাৰা,১১জুন :  শুকুৰবাৰে বিলাসীপাৰাৰ শিলডাঙাৰ পূজা নাথ নামৰ এগৰাকী ৫বছৰীয়া কণমানিক দংশন কৰিছিল এডাল বিষাক্ত সাপে । বিমল নাথ আৰু তেজীমলী নাথৰ কন্যা পূজা নাথে মোবাইলত গীত শুনি থকা সময়তে এডাল সাপে দংশন কৰিছিল কণমানীজনীক । ইয়াৰ পাছতেই কণমানিগৰাকীক সুস্থ কৰি তুলিবলৈ জৰা-ফুকা আৰম্ভ কৰিছিল । কিন্তু কণমানিজনী অধিক অসুস্থ হৈ পৰাত বঙাইগাঁও জিলাৰ লৱাৰ আছাম হাস্পতালত ভৰ্ত্তি কৰা হয় । কিন্তু চিকিৎসকে মৃত বুলি ঘোষণা কৰে । ইয়াৰ পাছতে বেউলা লক্ষীন্দৰৰ কাহিনীৰ দৰে কণমানিজনীক গা-পা ধুৱাই, ধুপ-ধূনা দি ফুলৰ মালা পিন্ধাই  নাম ঠিকনা লিখি সু-সজ্জিত কল গছৰ ভুৰত উটুৱাই দিয়া হয় বুঢ়ালুইতৰ বুকুত ।