কাজিৰঙাত তীব্ৰবেগী ট্ৰাকৰ খুন্দাত আহত এশিঙীয়া গঁড়

কাজিৰঙাত তীব্ৰবেগী ট্ৰাকৰ খুন্দাত আহত এটা এশিঙীয়া গঁড় (Rhinoceros injured in truck collision) ৷ ঘটনাৰ বিৱৰণী অনুসৰি কাজিৰঙাৰ হালধীবাৰী এনিমেল ক’ৰিডৰত দ্ৰুতবেগেৰে যোৰহাটৰ পৰা গুৱাহাটী অভিমুখে গৈ আছিল WB 91 6749 নম্বৰৰ এখন ট্ৰাক ৷ চলন্ত ট্ৰাকখনৰ সন্মুখত হঠাৎ ওলাই এটা প্ৰকাণ্ড গঁড় ৷ ফলত ট্ৰাকখনে নিয়ন্ত্ৰণ হেৰুৱাই খুন্দিওৱাৰ ফলত আহত হয় গঁড়টো ৷ এই সমগ্ৰ ঘটনা বন বিভাগে চি চি টিভি কেমেৰাৰ দ্বাৰা প্ৰত্যেক্ষ কৰি বাগৰি আৰক্ষীৰ সহযোগত বাগৰিত ট্ৰাকখন জব্দ কৰিবলৈ সক্ষম হয় । ইফালে বনবিভাগে বন্যহস্তীৰ সহায়ত অৰণ্যত আহত গড়ঁটোৰ সন্ধান অব্যাহত ৰাখিছে । উল্লেখ্য যে, দুৰ্ঘটনা সংঘটিত কৰা ট্ৰাকখনৰ বিৰুদ্ধে ইতিমধ্যে গোলাঘাট জিলা পৰিবহণ বিভাগে চাৰি হাজাৰ আৰু বনবিভাগে পাঁচ হাজাৰ টকা মুঠ ৯ হাজাৰ টকাৰ জৰিমনা বিহিছে ৷