অ’এনজিচিৰ বিষয়া মোহিনী মোহন গগৈৰ গৃহত কান্দোনৰ ৰোল

অৰুণাচলস্থিত কুইপ’ৰ কাৰ্যালয়ৰ পৰা বিগত বৰ্ষৰ 21 ডিচেম্বৰত দুগৰাকীকৈ অভিযন্তা অপহৃত হোৱাৰ পাচতে পুনৰ লাকুৱা অ’এনজিচিত কৰ্মৰত তিনি গৰাকী বিষয়াক মঙলবাৰে মাজনিশা অপহৰণ কৰে বন্দুকধাৰী দুৰ্বৃত্তৰ দলে ৷ ডিমৌ সমীপৰ ডিব্ৰুগড় জিলাৰ খোৱাং আৰক্ষী থানাৰ অন্তৰ্গত সৰুআলি গাঁৱৰ যুৱক মোহিনী মোহন গগৈয়ে 2015 চনৰ পৰা ONGC ৰ উৎপাদন বিভাগত কৰ্মৰত আছিল ৷ কিন্তু বুধবাৰে ৰাতিপুৱা অপহৰণৰ খবৰ বিয়পি পৰাত শোকাকুল পৰিৱেশে বিৰাজ কৰিছে ঘৰখনত ৷ ইফালে বিষয়া গৰাকীৰ ঘৰত প্ৰশাসন অথবা আৰক্ষীৰ লোক উপস্থিত নোহোৱাত খেতিয়ক পিতৃৰ লগতে আত্মীয়-স্বজন শোকত ভাগি পৰিছে ৷