Man arrested with golden boat: গুৱাহাটী ৰে'লৱে ষ্টেচনত উদ্ধাৰ সোণৰ নাও

গুৱাহাটী ৰে’লৱে ষ্টেচনত সোণৰ নাও উদ্ধাৰ । ৰাজধানী এক্সপ্ৰেছৰ পৰা জব্দ কৰা হয় সোণৰ নাওখন । নাওখনৰ লগতে আৰক্ষীয়ে আটক কৰে এটা সৰবৰাহকাৰীক(One arrested with gold boat at guwahati railway station) । ধৃত সৰবৰাহকাৰীটো বিহাৰৰ আকাশ কুমাৰ বুলি জানিব পৰা গৈছে ৷ ডিমাপুৰৰ পৰা বিহাৰলৈ লৈ গৈ থকা অৱস্থাত আৰক্ষীৰ জালত পৰে আকাশ । ৰে'ল আৰক্ষীৰ ভাৰপ্ৰাপ্ত বিষয়াই জনোৱা মতে, নাওখনৰ ওজন এক কেজি ৯০ গ্ৰাম । আৰক্ষীয়ে অৱশ্যে নাওখন নকল সোণৰ বুলি সন্দেহ প্ৰকাশ কৰিছে ৷ কিয়নো পূৰ্বেও এনেধৰণৰ নাও ধৰা হৈছিল যিবোৰ নকল সোণৰ দ্বাৰা নিৰ্মিত আছিল । অৱশ্যে পৰীক্ষা কৰাৰ পিছতহে নাওখন আচল নে নকল সোণৰ সেয়া নিশ্চিত হ'ব ।