তিনিচুকীয়াত জ্বলি থকা ফলাখৰিৰে মৰিয়াই মৰিয়াই পত্নীক হত্যা

তিনিচুকীয়া জিলাৰ পেঙেৰী আৰক্ষী থানাৰ অন্তৰ্গত চিকৰাজানৰ হেমবাৰী লাইনত এগৰাকী মহিলাক জ্বলি থকা ফলাখৰিৰে মৰিয়াই মৰিয়াই হত্যা কৰাৰ অভিযোগ উঠিছে(Husband kills wife Brutally in Tinsukia) । মহিলাগৰাকীৰ স্বামী জুৱেল তিৰ্কীয়ে তেওঁক জ্বলি থকা ফলাখৰিৰে মৰিওৱাৰ লগতে গৰম লোহাৰে গাত কোবাই কোবাই পানীত জুবুৰিয়াই অতি নৃশংসভাবে হত্যা কৰে(Husband kills wife)৷ মৃত মহিলাগৰাকীৰ নাম মাৰ্গিতা তিৰ্কী । ছয়টা সন্তানৰ মাতৃ আছিল মাৰ্গিতা তিৰ্কী । মহিলাগৰাকীক মূমুৰ্ষ অৱস্থাত চিকিৎসালয়লৈ নিয়া হয় যদিও চিকিৎসালয়ত মৃত্যু ঘটে মহিলাগৰাকীৰ । জানিব পৰা মতে, দুই বটল চুলাই মদৰ বাবেই পত্নীক অতি বৰ্বৰতাৰে হত্যা কৰে স্বামীয়ে ৷ সম্প্ৰতি ঘটনাক কেন্দ্ৰ কৰি অঞ্চলটোত বিৰাজ কৰিছে তীব্ৰ চাঞ্চল্য । ঘটনাস্থলীত পেঙেৰী আৰক্ষী উপস্থিত হৈ আটক কৰে জুৱেল তিৰ্কীক ।