HS final result 2022: চিকিৎসক হোৱাৰ সপোন ডিব্ৰুগড়ৰ অভিলাষা দত্তৰ

ডিব্ৰুগড় আমোলাপট্টিস্থিত ড৹ ৰাধাকৃষ্ণ স্কুল অৱ আৰ্টছ, কমাৰ্চ এণ্ড চাইঞ্চৰ ছাত্ৰী অভিলাষা দত্তই বিজ্ঞান শাখাত ষষ্ঠ স্থান লাভ কৰি জিলাখনলৈ গৌৰৱ কঢ়িয়াই আনিছে(Abhilasha Dutta got 6th position in science stream) । লক্ষীমপুৰ জিলাৰ কে বি ৰোডৰ বাসিন্দা অভিলাষাৰ ভৱিষ্যতে এগৰাকী সু-চিকিৎসক হোৱাৰ সপোন । ২০২০ বৰ্ষৰ হাইস্কুল শিক্ষান্ত পৰীক্ষাতো অভিলাষাই ৰাজ্যৰ ভিতৰত সপ্তম স্থান দখল কৰিবলৈ সক্ষম হৈছিল । অভিলাষাৰ পিতৃ অলক কুমাৰ দত্ত সহকাৰী পৰিসংখ্যা বিষয়া আৰু মাতৃ পল্লৱিকা দত্ত এগৰাকী গৃহিনী । এইগৰাকী কৃতী ছাত্ৰীৰ কৃতিত্বত বিদ্যালয়খনত এক উৎসৱমুখৰ পৰিৱেশৰ সৃষ্টি হৈছে ৷ ইফালে একেখন শিক্ষানুষ্ঠানৰে ছাত্ৰী অন্তৰীক্ষা মজুমদাৰে বিজ্ঞান শাখাত দশম স্থান লাভ কৰিছে ।