চামগুৰিৰ পদুমনিত বন্যহস্তীৰ তাণ্ডৱ

ক'ভিড সৃষ্ট ভয়াৱহ পৰিৱেশৰ মাজতে নগাঁও জিলাৰ চামগুৰিৰ পদুমনিত পুনৰ আৰম্ভ হৈছে বন্যহস্তীৰ তাণ্ডৱ ৷ খাদ্যৰ অভাৱত নিতৌ জনাঞ্চললৈ নামি আহে বন্যহস্তীৰ জাক ৷ ইয়াৰ মাজতে বুধবাৰে নিশা পদুমনি গাঁৱৰ সতেন্দ্ৰ গায়নৰ বাসগৃহত বন্যহস্তীয়ে চলালে তাণ্ডৱ ৷ ভেলেউগুৰি সমবায় সমিতিৰ অন্তৰ্গত সুলভ মূল্যৰ দোকানী সতেন্দ্ৰ গায়নৰ সুলভ মুল্যৰ দোকানখন বন্যহস্তীয়ে ভাঙি তহিলং কৰাৰ লগতে অনিষ্ট কৰে বহু সা-সম্পদ ৷ বিগত বহু দিন ধৰি উক্ত অঞ্চলটোত বন্যহস্তীয়ে উপদ্ৰৱ চলাই আহিছে বুলি জনাইছে স্থানীয় ৰাইজে ৷ হাতী খেদিবলৈ বন বিভাগে বহু চেষ্টা কৰিছে যদিও সফল হ'ব পৰা নাই ৷ যাৰ বাবে এতিয়া অঞ্চলবাসীয়ে কটাব লগা হৈছে নিদ্ৰাবিহীন ৰাতি ৷