শান্তিপূৰ্ণ ভাৱে চলিছে থাওৰা বিধানসভা সমষ্টিত ভোটদান প্ৰক্ৰিয়া

শান্তিপূৰ্ণ ভাৱে চলিছে ১০৭ নং থাওৰা বিধানসভা সমষ্টিৰ উপ-নিৰ্বাচনৰ ভোটদান প্ৰক্ৰিয়া । থাওৰা ৪৪ নং আৰু ৪৫ নং ভোট কেন্দ্ৰত সম্পূৰ্ণ কটকটীয়া নিৰাপত্তা ব্যৱস্থাৰ মাজেৰে চলিছে এই ভোটদান প্ৰক্ৰিয়া । সম্পূৰ্ণ ক'ভিড নীতি-নিয়ম পালন কৰিছে জিলা প্ৰশাসনেও ৷ আনকি প্ৰতিজন ভোটাৰক প্ৰশাসনৰ তৰফৰ পৰা প্ৰদান কৰা হৈছে একোখনকৈ মাস্ক । আনহাতে, ১০৭ নং থাওৰা বিধান সভা সমষ্টিতো শান্তিপূৰ্ণভাৱে অনুষ্ঠিত হৈছে ভোটদান । নিবাৰ্চনী প্ৰচাৰৰ সময়ত থাওৰাত ঠায়ে ঠায়ে কিছু হিংসাত্মক ঘটনা সংঘটিত হৈছিল যদিও ভোটদান শান্তিপূৰ্ণ ভাৱে হোৱা পৰিলক্ষিত হৈছে । ম'হখোৱাবাৰী এল পি স্কুলৰ ভোটগ্ৰহণ কেন্দ্ৰত ভোটদান কৰিলে প্ৰাক্তন বিধায়ক কুশল দুৱৰীয়েও । থাওৰা সমষ্টিত বিজেপিৰ জয়লাভ নিশ্চিত বুলি সংবাদমাধ্যমৰ আগত মন্তব্য কৰে প্ৰাক্তন বিধায়কগৰাকীয়ে । লগতে তেওঁ উল্লেখ কৰে যে, থাওৰাৰ ৮০ শতাংশ ৰাইজেই ভোট দিব বিজেপিক ।