নলবাৰীত ডাঃ ভূমিধৰ বৰ্মনক শ্ৰদ্ধাঞ্জলি

দেওবাৰে সন্ধিয়া দেহাৱসান ঘটে ৰাজ্যৰ প্ৰাক্তন মুখ্যমন্ত্ৰী ডাঃ ভূমিধৰ বৰ্মনৰ । নিশাটো বৰ্মনৰ নশ্বৰদেহ ৰুক্মিণীগাঁৱস্থিত বাসগৃহত ৰখাৰ পিছত সোমবাৰে অনা হয় নলবাৰীলৈ । ডাঃ বৰ্মনৰ নশ্বৰদেহ নলবাৰীত উপস্থিত হোৱাৰ পিছত অন্তিম শ্ৰদ্ধা জ্ঞাপন কৰে জিলাখনৰ বিভিন্ন দল-সংগঠনে ৷ জিলা আৰক্ষী অধীক্ষকৰ কাৰ্যালয়ৰ সমীপৰ বাসগৃহত পূৰ্বৰে পৰা উপস্থিত থকা অসংখ্য গুণমুগ্ধই শেষ শ্ৰদ্ধাঞ্জলি জনা প্ৰিয় নেতাগৰাকীক । উপাযুক্তৰ কাৰ্যালয়ৰ লগতে শ্বহীদ মুকুন্দ কাকতি অসামৰিক চিকিৎসালয়লৈ নিয়া হয় ভূমিধৰ বৰ্মনৰ নশ্বৰদেহ । পৰৱৰ্তী সময়ত ৰাজীৱ ভৱনত কংগ্ৰেছ কৰ্মী আৰু অসংখ্য গুণমুগ্ধই তেখেতৰ নশ্বৰদেহত পুস্পাঞ্জলি অৰ্পণ কৰি শেষ শ্ৰদ্ধা জ্ঞাপন কৰে ৷ নলবাৰীৰ পিছতে ৰাজনীতিবিদ গৰাকীৰ নশ্বৰদেহ নিয়া হয় জন্মস্থান বেলশৰলৈ । বৰক্ষেত্ৰীৰ বিভিন্ন প্ৰান্তত নেতাগৰাকীক শ্ৰদ্ধাঞ্জলী জনোৱাৰ পিছত নিশা শিঙিমাৰীৰ বাসগৃহত নশ্বৰ দেহ ৰখাৰ ব্যৱস্থা গ্ৰহণ কৰা হয় । মঙলবাৰে পুৱা নলবাৰীৰ শিঙিমাৰীৰ ভকতৰাম পুখুৰীৰ পাৰত ৰাজ্যিক মৰ্যাদাৰে অন্ত্যেষ্টিক্ৰিয়া সম্পন্ন কৰা হ’ব বৰ্ষীয়ান ৰাজনীতিবিদ গৰাকীৰ ।