তিনিচুকীয়াত ২৪ ঘন্টাৰ ভিতৰত সংঘটিত হয় তিনিটাকৈ ডকাইতিৰ ঘটনা

তিনিচুকীয়া, 11 ফেব্ৰুৱাৰীঃ তিনিচুকীয়াৰ মাকুমত পুৱতি নিশা চাঞ্চল্যকৰ ডকাইতিৰ ঘটনা সংঘটিত হয় ৷ ২৪ ঘন্টাৰ ভিতৰত তিনিচুকীয়াত সংঘটিত হয় তিনিটাকৈ ডকাইতিৰ ঘটনা ৷ মাকুমৰ ৰাষ্ট্ৰীয় ঘাইপথৰ কাষত থকা খিলি কাৰখানাৰ মালিক চাৰ্জন বৰ্যাৰিৰ ঘৰত সংঘটিত হয় ডকাইতি ৷ দহ জনীয়া এটা ডকাইতৰ দলে ঘৰত মালিক নথকাৰ সুযোগ লৈ সংঘটিত কৰে এই ঘটনা ৷ ঘৰত উপস্থিত থকা চকিদাৰ জনক হাত ভৰি বান্ধি মাৰ ধৰ কৰি ঘৰৰ ভিতৰত থকা সামগ্ৰী সমূহ লণ্ড ভণ্ড কৰাৰ লগতে লকাৰ ভাঙি লৈ যায় টকা ৷ জানিব পৰা মতে ডকাইতৰ দলটো আহিছিল দুটা পিষ্টল সহ হাতত চোকা অস্ত্ৰ লৈ ৷ ইতিমধ্যে ঘটনাস্থলীত আৰক্ষীৰ লোক উপস্থিত হৈ অব্যাহত ৰাখিছে তদন্ত ৷