গোলাঘাটত এইবাৰ চোৰৰ চকু সাঁচি গছত

সান্ধ্য আইনৰ সুযোগ লৈ গোলাঘাটত সঘনাই সংঘটিত হৈছে চুৰিকাৰ্য ৷ এইবাৰ চোৰৰ চকু পৰিল সাঁচি গছত ৷ গোলাঘাটৰ বেতিয়নী কাকতিগাঁৱত নিশা চোৰে চুৰি কৰিলে প্ৰায় পাঁচ লক্ষাধিক টকাৰ সাঁচি গছ । বুলেন বৰুৱা নামৰ ব্যক্তিজনৰৰ বাৰীৰ পৰা চোৰে চুৰি কৰিলে বৃহৎ আকাৰৰ ১৩ জোপা সাঁচি গছ । উক্ত অঞ্চলটো ঢেকীয়াল আৰক্ষী চকীৰ অন্তৰ্গত । সান্ধ্য আইনৰ মাজতে গোলাঘাটৰ বিভিন্ন অঞ্চলত সংঘটিত হোৱা চুৰি কাণ্ড আৰক্ষীলৈ এতিয়া প্ৰত্যাহ্বানস্বৰূপ হৈ পৰিছে ৷ পৰৱৰ্তী সময়ত আৰক্ষীয়ে সাধাৰণ জনতাৰ টোপনি হৰণ কৰা চোৰৰ বিৰুদ্ধে কেনে ধৰণৰ ব্যৱস্থা গ্ৰহণ কৰিব সেয়া লক্ষ্যণীয় হ'ব ।