মই নিজেই এজন ষ্টাৰ কেম্পেইনাৰ: প্রাণেশ্বৰ বসুমতাৰী

মই নিজেই এজন ষ্টাৰ কেম্পেইনাৰ আজি হিমন্ত বিশ্ব শৰ্মাই মোক নকল কৰিছে ৷ এই মন্তব্য ৭৫ নং চতিয়া বিধানসভা সমষ্টিৰ কংগ্ৰেছ প্ৰাৰ্থী তথা প্ৰাক্তন বিধায়ক প্রাণেশ্বৰ বসুমতাৰীৰ ৷ সোমবাৰে ইটিভি ভাৰতৰ সৈতে হোৱা এক বিশেষ সাক্ষাৎকাৰত এই কথা উল্লেখ কৰে কংগ্ৰেছ প্ৰাৰ্থী গৰাকীয়ে ৷ প্রাণেশ্বৰ বসুমতাৰীয়ে সাক্ষাৎকাৰত কয় যে, 2001 চনতে তেওঁ চাইকেল চলাই, খোজকাঢ়ি নিৰ্বাচনী প্ৰচাৰ চলাইছিল আৰু আজিও চলাইছে ৷ তেওঁক বাঘা বাঘা ৰাজনৈতিক নেতাই নকল কৰিছে । এইবাৰ নিৰ্বাচনত তেওঁ জয়ী হ’বই আৰু কংগ্ৰেছৰ চৰকাৰ হোৱাটো নিশ্চিত । তেওঁ লগতে কয় যে, ৰাইজৰ দল, অসম জাতীয় পৰিষদে কংগ্ৰেছৰ ক্ষতি নকৰে বিজেপিকহে ক্ষতি কৰিব ।