চমচেৰ সিং আৰু সঞ্জয় কিষাণৰ ভোটদান

তিনিচুকীয়া সমষ্টিত বিমলা প্ৰসাদ চলিহা প্ৰাথমিক বিদ্যালয়ত ভোটদান কৰিলে অসম জাতীয় পৰিষদৰ তিনিচুকীয়া সমষ্টিৰ প্ৰাৰ্থী চমচেৰ সিং আৰু মন্ত্ৰী সঞ্জয় কিষাণে ৷ ভোটাধিকাৰ সাব্যস্ত কৰি অসম জাতীয় পৰিষদৰ তিনিচুকীয়া সমষ্টিৰ প্ৰাৰ্থী চমচেৰ সিঙে অসম জাতীয় পৰিষদে সুস্থ সবল ৰাজনৈতিক ধাৰা আনিবলৈ চেষ্টা কৰা বুলি মন্তব্য কৰে ৷ এক শিষ্টাচাৰপূৰ্ণ ৰাজনীতি কৰিবলৈ চেষ্টা কৰা বুলিও মন্তব্য কৰে চমচেৰ সিঙে ৷ ইফালে বিমলা প্ৰসাদ চলিহা প্ৰাথমিক বিদ্যালয়তে ভোটদান কৰি মন্ত্ৰী সঞ্জয় কিষাণে যথেষ্ট ভোটৰ ব্যৱধানত তিনিচুকীয়া সমষ্টিত জয়লাভ কৰি বিজেপিয়ে এক শক্তিশালী চৰকাৰ গঠন কৰিবলৈ গৈ আছে বুলি মন্তব্য প্ৰকাশ কৰে ৷