Road accident in Jania: অচিনাক্ত বাহনৰ খুন্দাত নিহত শওপুৰৰ বাবুল

বৰপেটা সদৰ আৰক্ষী থানাৰ অন্তৰ্গত বিকল্প ৰাজ্যিক ঘাইপথত সোমবাৰে সন্ধিয়া সংঘটিত হয় এক ভয়াৱহ পথ দুৰ্ঘটনা (Road accident in Jania) । জনীয়াৰ পৰা শওপুৰৰ নিজ ঘৰলৈ আহি থকা অৱস্থাত চনপুৰাত অচিনাক্ত এখন বাহনে খুন্দিয়াই থৈ যায় হাসমত আলীৰ পুত্ৰ বাবুল হুছেইন নামৰ এজন যুৱকক । ফলত গুৰুত্বৰভাৱে আহত হয় বাবুল হুছেইন ৷ পৰৱৰ্তী সময়ত স্থানীয় ৰাইজে বাবুল আলীক অতি সংকটজনক অৱস্থাত বৰপেটা ফখৰুদ্দিন আলী আহমেদ মেডিকেল কলেজত ভৰ্তি কৰে ৷ কিন্তু কিছু সময় পিছতেই চিকিৎসকে বাবুল আলীক মৃত বুলি ঘোষণা কৰে । ইফালে মঙলবাৰে মৰণোত্তৰ পৰীক্ষাৰ অন্তত বাবুল হুছেইনৰ নশ্বৰ দেহ নিজ ঘৰত লৈ অহাৰ পিছতেই কান্দোনত ৰোল উঠে অঞ্চলটোত । এই ঘটনাক কেন্দ্ৰ কৰি অঞ্চলব্যাপি বিৰাজ কৰিছে শোঁকৰ ছাঁ ।