মুকলি আকাশৰ তলত কুইপ’ৰ অভিযন্তা প্ৰণৱ কুমাৰ গগৈ

অৱশেষত মুকলি আকাশৰ তললৈ আহিল কুইপ’ৰ অভিযন্তা প্ৰণৱ কুমাৰ গগৈ ৷ 3 মাহ 14 দিন উগ্ৰপন্থীৰ শিৱিৰত বন্দীত্বৰ জীৱন কটোৱাৰ অন্তত সোঁ-শৰীৰে উভতি আহিল প্ৰণৱ কুমাৰ গগৈ ৷ উল্লেখ্য যে, যোৱা 21 ডিচেম্বৰত অৰুণাচল প্ৰদেশৰ চাংলাং জিলাৰ ডায়ুনৰ পৰা অপহৰণ কৰা হৈছিল কুইপ’ৰ দুই অভিযন্তা শিৱসাগৰৰ প্ৰণৱ কুমাৰ গগৈৰ লগতে বিহাৰৰ ৰাম কুমাৰক ৷ প্ৰণৱ কুমাৰ গগৈক মুক্তি দিয়াৰ বিপৰীতে বৰ্তমানলৈকে কিন্তু কোনো নিশ্চিত তথ্য নাই ৰাম কুমাৰৰ মুক্তি সন্দৰ্ভত ৷ প্ৰণৱ কুমাৰ গগৈ সোঁ-শৰীৰে উভতি আহিল ঠিকেই ৷ কিন্তু কি হ'ব বিহাৰৰ ৰাম কুমাৰৰ ক্ষেত্ৰত ? একেদৰেই আহিবনে ৰাম কুমাৰো ? সেইয়াও এক প্ৰশ্ন হৈ ৰৈছে অসমবাসীৰ মনত....