কভিড প্ৰট'কল মানি বিহু উদযাপনৰ বাবে সাজু ৰঙিয়াবাসী

ক’ভিড প্ৰট’কল মানি বিহু পাতিবলৈ সাজু হৈছে ৰঙিয়া কেন্দ্ৰীয় ৰঙালী বিহু সন্মিলনীয়ে ৷ ক’ভিডৰ দ্বিতীয় ঢৌৰ প্ৰতি লক্ষ্য ৰাখি ৰাজ্য চৰকাৰে ৰঙালী বিহু উদযাপনক লৈ জাৰি কৰিছে নতুন নিৰ্দেশাৱলী । স্বাস্থ্য বিভাগৰ এই নিৰ্দেশাৱলীক লৈ ৰঙিয়াতো বিভিন্ন জনে কৰিছে ভিন্ন মন্তব্য । স্বাস্থ্য বিভাগৰ নিৰ্দেশাৱলী মানি চলি বিহুৰ সাংস্কৃতিক কাৰ্যসূচী আয়োজন কৰাৰ বাবে প্ৰস্তুত হৈছে । ক’ভিডক লৈ সজাগ আৰু সচেতন হোৱাৰ লগতে বিহুৰ আনন্দ উপভোগ কৰাৰ বাবে প্ৰস্তুত হৈছে ৰঙিয়া কেন্দ্ৰীয় ৰঙালী বিহু সন্মিলনী । ইফালে নাচনীয়ে মাস্ক পিন্ধি বিহু নচাতো সম্ভৱ নহয় বুলি মন্তব্য কৰে এগৰাকী উদ্যোক্তাই । আনহাতে শিল্পীয়ে মঞ্চত মাস্ক পিন্ধি কেনেদৰে গীত পৰিৱেশন কৰিব বুলিও মন্তব্য কৰে আন এগৰাকী সাংস্কৃতিক কৰ্মীয়ে ।