সদৌ অসম অনুসূচিত জাতি ছাত্ৰ সন্থাই জ্বলালে অখিল গগৈৰ পুত্তলিকা

মঙলদৈত শিৱসাগৰৰ বিধায়ক তথা ৰাইজৰ দলৰ সভাপতি অখিল গগৈৰ বিৰুদ্ধে সদৌ অসম অনুসূচিত জাতি ছাত্ৰ সন্থা দৰং জিলা সমিতিৰ প্ৰতিবাদ । বিধায়ক গৰাকীৰ পুত্তলিকা দাহ কৰি প্ৰতিবাদ সাব্যস্ত কৰে সংগঠনটোৱে । উল্লেখযোগ্য যে, শিৱসাগৰ সমষ্টিৰ বিধায়ক অখিল গগৈয়ে অনুসূচিত জাতিক অপমান সূচক মন্তব্য কৰাৰ বিৰুদ্ধে জাঙুৰ খাই উঠিছে সংগঠনটো ৷ অখিল গগৈৰ পুত্তলিকা দাহ কৰি সদৌ অসম অনুসূচিত জাতি ছাত্ৰ সন্থাৰ দৰং জিলা সমিতিয়ে মঙলদৈ চহৰৰ ভেৱাৰঘাটৰ ৰাজপথত অখিল গগৈক গ্ৰেপ্তাৰ কৰক, অখিল গগৈৰ দাদাগিৰি নচলিব আদি শ্ল’গানেৰে প্ৰতিবাদস্থলী উত্তাল কৰে ৷ লগতে সংগঠনটোৱে অখিল গগৈৰ বিৰুদ্ধে অতি শীঘ্ৰে মঙলদৈ সদৰ থানাত এজাহাৰ দাখিল কৰিব বুলি উল্লেখ কৰে ৷