হিৰণ্য শইকীয়াক ফোন কৰি কি ক’লে পৰেশ বৰুৱাই: ইটিভি ভাৰতৰ বিশেষ সাক্ষাৎকাৰ

আলফা (স্বা)ৰ সৰ্বাধিনায়ক পৰেশ বৰুৱা শান্তি আলোচনাত বহিবলৈ সাজু হৈছে নেকি ? ৰাজ্যৰ শেহতীয়া কেতবোৰ ঘটনাক্ৰমে যেন ইয়াৰে ইংগিত বহন কৰিছে । ইতিমধ্যে ড৹ হিমন্ত বিশ্ব শৰ্মাই মুখ্যমন্ত্ৰীৰ দায়িত্ব লোৱাৰ পিছতেই পৰেশ বৰুৱাই একপক্ষীয় যুদ্ধবিৰতি ঘোষণা কৰিছে । অপহৃত ৰিতুল শইকীয়াক মুকলি কৰি দিয়াৰ কথাও ঘোষণা কৰিছে । পৰেশ বৰুৱাৰে শান্তি আলোচনাৰ বিষয়টো চৰ্চালৈ আহিলেই ইয়াৰ সৈতে অৱধাৰিতভাৱে জড়িত হৈ পৰে আন এজন মানুহৰ নাম । তেওঁ হৈছে হিৰণ্য শইকীয়া । যাৰ সৈতে সঘন যোগাযোগ ৰক্ষা কৰি চলি আহিছে পৰেশ বৰুৱাই । আনকি বিগত সময়ত পৰেশ বৰুৱা বা আলফাই আলোচনাৰ প্ৰক্ৰিয়াটো আগবঢ়াই নিবলৈ গঠন কৰি দিয়া পিচিজিৰো অন্যতম সদস্য আছিল হিৰণ্য শইকীয়া । গতিকে স্বাভাৱিকতে এইবাৰো পৰেশ বৰুৱা আলোচনাৰ মেজলৈ অহাৰ যি এক সম্ভাৱনীয়তা দেখা দিছে, এই সম্ভাৱনীয়তাৰ লগতে পুনৰ চৰ্চালৈ আহিছে হিৰণ্য শইকীয়াৰ নাম । মধ্যস্থতাকাৰী হ’ব খোজে নেকি হিৰণ্য শইকীয়া ৷ শেহতীয়াকৈ প্ৰায় দৈনিক পৰেশ বৰুৱাই ফোনযোগে কথা পাতি আছে হিৰণ্য শইকীয়াৰ সৈতে । বৃহস্পতিবাৰেও ফোন কৰি আলোচনা সন্দৰ্ভত হিৰণ্য শইকীয়াক কি কৈছিল পৰেশ বৰুৱাই ৷ ড৹ হিমন্ত বিশ্ব শৰ্মাক কিয় সাহসী মুখ্যমন্ত্ৰী বুলি অভিহিত কৰিলে হিৰণ্য শইকীয়াই ? চাওক ইটিভি ভাৰতৰ জ্যেষ্ঠ সাংবাদিক গৌতম বৰুৱাৰে হোৱা এই এক্সক্লুচিভ সাক্ষাৎকাৰ ৷