বন্যহস্তীৰ আক্ৰমণত গোৱালপাৰাত এজনৰ মৃত্যু

গোৱালপাৰা জিলাৰ লক্ষীপুৰ গুৱালতুলিত শাল বাগানত উদ্ধাৰ হয় এজন যুৱকৰ মৃতদেহ । সোমবাৰে পুৱাৰ ভাগত এগৰাকী ব্যক্তিয়ে শাল বাগানত খৰিকাটিবলৈ যোৱাত পৰতে প্ৰত্যক্ষ কৰে যুৱক জনৰ মৃতদেহ । লগে লগে স্থানীয় ৰাইজক খবৰ দিয়াত স্থানীয় ৰাইজে উপস্থিত হৈ মৃতদেহটো ৰহিদুল ইছলামৰ বুলি চিনাক্ত কৰে । দুদিন পূৰ্বে জোৰান আলিৰ পুত্ৰ ৰহিদুল ইছলাম (৩২) লক্ষীপুৰৰ গুৱালতুলিত ফুৰিবলৈ আহিছিল । এই যুৱকজন বন্যহস্তীৰ আক্ৰমণত মৃত্যু হোৱা বুলি সন্দেহ প্ৰকাশ কৰিছে স্থানীয় লোকে ৷ আৰক্ষী আৰু বন বিভাগৰ লোকে ৰহিদুল ইছলাম নামৰ যুৱক জনৰ মৃতদেহটো উদ্ধাৰ কৰি মৰণোত্তৰ পৰীক্ষাৰ বাবে গোৱালপাৰা অসামৰিক চিকিৎসালয়লৈ প্ৰেৰণ কৰে । উল্লেখ যে, যোৱা দুবছৰ ধৰি ১৭/১৮ জনীয়া বনৰীয়া হাতী এটা জাকে এই পৰ্যন্ত ৮ গৰাকী ব্যক্তিৰ প্ৰাণ লৈছে বুলি জানিবলৈ দিছে স্থানীয় লোকে ।