বিজেপিৰ মুখপাত্ৰ মমিনুল আৱালৰ সংবাদ মেল

গুৱাহাটী, 15 জুলাইঃ সোমবাৰে মহানগৰীৰ ৰাজ্যিক বিজেপিৰ কাৰ্যালয়ত বিজেপিৰ মুখপাত্ৰ মমিনুল আৱালে ৰাজ্যৰ শেহতীয়া বান পৰিস্থিতি আৰু আৰু টেট শিক্ষকৰ সমস্যা সন্দৰ্ভত এখন সংবাদমেল অনুষ্ঠিত কৰে। সংবাদ মেলত মুখপাত্ৰ গৰাকীয়ে টেট শিক্ষকৰ সমস্যা সমাধানৰ বাবে বিজেপি দলৰ ফালৰ পৰা চেষ্টা অব্যাহত ৰখা হৈছে বুলি জানিবলৈ দিয়ে। তাৰ লগতে বিজেপিৰ সভাপতি ৰঞ্জিত কুমাৰ দাসৰ নেতৃত্বত এটা সঁজাতি দলে মঙলবাৰে কেন্দ্ৰীয় মানৱ সম্পদ দপ্তৰৰ মন্ত্ৰীক সাক্ষাৎ কৰি এখন বৈঠকত মিলিত হ'ব বুলিও জানিবলৈ দিয়ে। আনহাতে ৰাজ্যত অব্যাহত থকা বানত আক্ৰান্ত হোৱা লোকসকলক সহায় কৰিবলৈ বিজেপিৰ প্ৰত্যেকজন সদস্যক আহ্বান জনায় ।