ডিগবৈত ভয়ংকৰ অগ্নিকাণ্ডত জাহ গ'ল বাসগৃহ

ডিগবৈ আৰক্ষী থানাৰ অন্তৰ্গত টিংৰাই বজাৰৰ সমীপত বুধবাৰে সন্ধিয়া প্ৰায় ৮ বজাত সংঘটিত হয় এক ভয়ংকৰ অগ্নিকাণ্ড ৷ জিনামন লাহন নামৰ মহিলাগৰাকীৰ বাসগৃহত সংঘটিত হয় এই অগ্নিকাণ্ড ৷ বৈদ্যুতিক শ্বৰ্ট চাৰ্কিটৰ ফলতেই এই অগ্নিকাণ্ড সংঘটিত হোৱা বুলি জানিব পৰা হৈছে ৷ অগ্নিকাণ্ডৰ ফলত এটা ৰন্ধন গেছৰ চিলিণ্ডাৰ বিস্ফোৰণ হোৱাত জুয়ে বিধ্বংসী ৰূপ ধাৰণ কৰে ৷ অগ্নিকাণ্ডত বাসগৃহটোৰ ভিতৰত থকা বহু গুৰুত্বপূৰ্ণ নথিপত্ৰসহ প্ৰায় সকলো সামগ্ৰী জুইত জাহ যায় ৷ পৰৱৰ্তী সময়ত অগ্নিনিৰ্বাপক বাহিনী ঘটনাস্থলীত উপস্থিত হৈ জুই নিৰ্বাপন কৰে ৷