Massive fire in Guwahati: মহানগৰীত ভয়ংকৰ অগ্নিকাণ্ড

সৰস্বতী পূজাৰ আনন্দৰ মাজতেই মহানগৰীত ভয়ংকৰ অগ্নিকাণ্ড(Massive fire in Guwahati) । শনিবাৰে সন্ধিয়া প্ৰায় ৭:৩৬ বজাত মহানগৰী দিছপুৰ কলেজৰ সমীপত সংঘটিত হয় অগ্নিকাণ্ডটো । এটা অসম আৰ্হিৰ ঘৰৰ পৰা সূত্ৰপাত হোৱা জুই বিয়পি পৰে এটা গুদাম ঘৰলৈ । উল্লেখ্য যে এই অগ্নিকাণ্ডত সম্পূৰ্ণৰূপে ভস্মিভূত হয় বাসগৃহ লগতে গুদামঘৰটো । অগ্নিনিৰ্বাপক বাহিনীৰ সূত্ৰই প্ৰকাশ কৰা মতে, অগ্নিকাণ্ড সংঘটিত হোৱা খবৰ পোৱা মাত্ৰকে অগ্নিনিৰ্বাপক বাহিনীৰ ১০ খনকৈ বাহন ঘটনাস্থলীত উপস্থিত হয় । বহুসময় ধৰি চলোৱা আপ্ৰাণ চেষ্টাৰ ফলত জুই নিৰ্বাপন কৰিবলৈ সক্ষম হয় অগ্নিনিৰ্বাপক বাহিনীৰ দলে ।ইফালে কিহৰ পৰা জুই সূত্ৰপাত হয় তাৰ প্ৰকৃতি কাৰণ এতিয়াও জানিব পৰা হোৱা নাই । অগ্নিকাণ্ডত বহু লক্ষ্যাধিক টকাৰ সা-সম্পত্তি জুইত জাহ যায় ।