ৰজাগাঁও ঘাচিবস্তিত এটা আঘাতপ্ৰাপ্ত বন্যহস্তী উদ্ধাৰ

নগাঁও জিলাৰ ৰজাগাঁও ঘাচিবস্তিত আঘাতপ্ৰাপ্ত অৱস্থাত উদ্ধাৰ হৈছে এটা বন্য হস্তী ৷ স্থানীয় লোকে বন্যহস্তীটোৰ ভৰিত গুলি লগাৰ সন্দেহ কৰিছে যদিও বনবিভাগৰ লোকে পাহাৰৰ ওপৰৰ পৰা পৰি হাতীটোৱে ভৰিত আঘাত পোৱা বুলি সন্দেহ প্ৰকাশ কৰিছে ৷ ইপিনে অসুস্থ হাতীটোৰ চিকিৎসাৰ বাবে কাজিৰঙাৰ পৰা অহা এটা চিকিৎসকৰ দল ঘটনা স্থলীত উপস্থিত হৈ হাতীটোক টেংকুলাইজ কৰাৰ চেষ্টা অব্যাহত ৰাখিছে যদিও বৰ্তমানেও সফল হ'ব পৰা নাই ৷ হাতীটোক টেংকুলাইজ কৰি চিকিৎসা কৰিবৰ বাবে চেষ্টা অব্যাহত ৰাখিছে কাজিৰঙাৰ পৰা অহা চিকিৎসকৰ দলটোৱে ৷