বি টি এ ডিৰ পৰ্বতঝোৰাত চোৰাং কাঠ জব্দ

ধুবুৰীৰ গৌৰীপুৰ সমষ্টিৰ অন্তৰ্গত তথা বি টি এডিৰ পৰ্বতঝোৰা গাৰোপাৰা অঞ্চলৰ পৰা সোমবাৰে পৰ্বতঝোৰা বন বিভাগে মূল্যবান কাঠৰ কুন্দাভৰ্তি এখন ট্ৰেক্টৰ এখন জব্দ কৰিবলৈ সক্ষম হয় । পৰ্বতঝোৰা বন সংমণ্ডলৰ বন প্ৰাধিকাৰী বিষয়া জয়ন্ত কুমাৰ ব্ৰহ্মৰ এক গোপন তথ্যৰ ভিত্তিত পৰ্বতঝোৰাৰ প্ৰটেক্সন ৰেঞ্জাৰ বিষয়া ৰাজীৱ দত্তৰ নেতৃত্বত বন বিভাগৰ এটি দলে জব্দ কৰে কাঠখিনি ৷ বন বিভাগৰ দলটোৱে সাধাৰণ নাগৰিক পোচাকত উক্ত গাৰোপাত অঞ্চলত টহল দি এ এছ ১৭চি ০৬২৩ নম্বৰৰ ট্ৰেক্টৰৰ পৰা মূল্যবান কাঠৰ কুন্দাখিনি জব্দ কৰে ৷ বন বিভাগৰ দলে জব্দকৃত চোৰাং কাঠখিনিসহ ট্ৰেক্টৰখন ছুপাৰীঘাট বন সংমণ্ডল কাৰ্যালয়লৈ লৈ যায় । জব্দ হোৱা কাঠখিনিৰ বজাৰ মূল্য প্ৰায় লাখ টকা বুলি জানিব পৰা হৈছে ৷