পানী-যুঁৱলিত চিৎকাৰ ৰোগাগ্ৰস্ত গজৰাজৰ

চিৰাং জিলাৰ মানাহ ৰাষ্ট্ৰীয় উদ্যান (Manas National Park)ত নতুনকৈ সংযোজিত বিজনীৰ কুংলুং ৰেঞ্জৰ গভীৰ অৰণ্যত পানী-যুঁৱলিত আৱদ্ধ হৈ মৃত্যুৰে যুঁজিছে এটা বনৰীয়া মখনা হাতীয়ে । আঘাতপ্ৰাপ্ত তথা বয়সীয়াল হাতীটো খাদ্যৰ অভাৱত দুৰ্বল হৈ পানীত পৰি উঠিব নোৱাৰা হয় ৷ মঙলবাৰে পুৱা বন বিভাগ (Forest Department)ৰ লোকে হাতীটোক পানী যুঁৱলিত পৰি থকা অৱস্থাত প্ৰত্যক্ষ কৰে হাতীটো ৷ পাছত বন বিভাগ আৰু পশু চিকিৎসকৰ এটা দল উক্ত স্থানত উপস্থিত হৈ হাতীটোক চিকিৎসা প্ৰদান কৰে ৷ বিয়লিৰ ভাগত বনৰীয়া হাতীটোৰ স্বাস্থ্যৰ অধিক অৱনতি ঘটাত বন বিভাগৰ লোকে জে চি বি লগাই গাঁত খান্দি যুঁৱলিৰ পানী উলিয়াই দিয়ে ৷ সম্প্ৰতি বন বিভাগৰ চিকিৎসকৰ এটা দলে হাতীটোক নিৰীক্ষণ কৰি আছে । আনহাতে বনৰীয়া হাতীটোৰ অৱস্থা অধিক শোচনীয় হৈ পৰিছে । অসুস্থ বন্যহস্তীটো বাচিব নে নাই সেয়াও এতিয়া সন্দেহৰ আৱৰ্তত ।