হোজাইত 300 নিচাজাতীয় কফ চিৰাপ জব্দ

হোজাই জিলাৰ উদালী তিনিআলি বজাৰৰ এখন ফাৰ্মাচীত শনিবাৰে নিশা তিনিটা কাৰ্টনৰ পৰা 300 নিচাজাতীয় কফ চিৰাপ (Cough Syrup)ৰ বটল জব্দ কৰে আৰক্ষীয়ে ৷ হোজাই জিলাৰ লংকা আৰক্ষী থানা (Lanka Police Station)ৰ অন্তৰ্গত উদালী তিনিআলি উপ-আৰক্ষী চকীৰ ভাৰপ্ৰাপ্ত আৰক্ষী বিষয়া টুলেন চন্দ্ৰ দাসৰ নেতৃত্বত এক গোপন সুত্ৰৰ ভিত্তিত অভিযান চলাই জব্দ কৰা হয় বটলকেইটা ৷ ঘটনা সন্দৰ্ভত এজনক আটক কৰি সোধ-পোছ অব্যাহত ৰাখিছে আৰক্ষীয়ে ৷ তদন্তৰ অন্তত এই নিচাজাতীয় কফ চিৰাপৰ সৈতে জড়িত থকা কেইবাজনো লোকক আটক কৰাৰ সম্ভাৱনা থকা বুলি জানিবলৈ দিয়ে ভাৰপ্ৰাপ্ত আৰক্ষী বিষয়া গৰাকীয়ে ।