লামডিঙত প্ৰাৰ্থিত্বকেন্দ্ৰিক সংঘাত: দল ত্যাগ কৰাৰ হুংকাৰ কংগ্ৰেছ কৰ্মীৰ

সমাগত বিধান সভা নিৰ্বাচনত প্ৰত্যেকটো ৰাজনৈতিক দলৰ সমান্তৰালকৈ কংগ্ৰেছ দলৰো ঘোষণা কৰা হৈছে প্ৰাৰ্থীত্বৰ তালিকা ৷ কিন্তু বৰ্তমানো ঘোষণা কৰা হোৱা নাই লামডিং সমষ্টিৰ প্ৰাৰ্থীৰ নাম ৷ ইপিনে সমষ্টিটোত প্ৰাৰ্থীৰ নাম ঘোষণা হোৱা নাই যদিও স্বপন কৰক সমষ্টিটোত প্ৰাৰ্থী হিচাপে প্ৰক্ষেপ কৰা হ'ব বুলি চৰ্চিত হৈছে ৷ লক্ষণীয়ভাৱে কংগ্ৰেছৰ একাংশ দলীয় কৰ্মীয়ে স্বপন কৰ মুৰ্দাবাদ ধ্বনি দি বিশ্বজ্যোতি ৰায় চৌধুৰীৰ সমৰ্থনত লংকা-লামডিং সংযোগী ২৪ নং ৰাষ্ট্ৰীয় ঘাইপথত প্ৰতিবাদ কৰা পৰিলক্ষিত হয় ৷ বিশ্বজ্যোতি ৰায় চৌধুৰীক প্ৰাৰ্থী হিচাপে প্ৰক্ষেপ নকৰিলে কংগ্ৰেছ দল ত্যাগ কৰাৰ হুংকাৰ দিয়ে প্ৰতিবাদকাৰী কংগ্ৰেছ কৰ্মীসকলে ৷