অখিল গগৈয়ে দুমাহত থাওৰাবাসীৰ আস্থা লাভ কৰাতো অসম্ভৱ : সুশান্ত বৰগোহাঁই

আত্মবিশ্বাস বাঢ়িছে থাওৰা সমষ্টিৰ বিজেপিৰ প্ৰাৰ্থী সুশান্ত বৰগোহাঁইৰ । বৃহস্পতিবাৰে শাসকীয় দলৰ প্ৰাৰ্থী গৰাকীয়ে কয়, থাওৰাত অখিল গগৈৰ নেতৃত্বত ৰাইজৰ দলে কিছু প্ৰভাৱ বিস্তাৰ কৰিছে যদিও ক্ষতি কৰিব নোৱাৰে বিজেপিক ৷ দুমাহৰ পূৰ্বে আহি থাওৰাৰ এক লাখ পোন্ধৰ হাজাৰ ভোটাৰৰ আস্থা লাভ কৰাটো অসম্ভৱ অখিল গগৈৰ বাবে ৷ উপ-নিৰ্বাচনত বিজেপি এক নম্বৰত থকাৰ বিপৰীতে এতিয়া দ্বিতীয় স্থানৰ বাবে প্ৰতিযোগিতা আৰম্ভ হৈছে কংগ্ৰেছ-ৰাইজৰ দলৰ মাজত ৷ লগতে কংগ্ৰেছ-ৰাইজৰ দলৰ পুলিং এজেন্ট নাথাকিব বুলিও ক'লে সুশান্ত বৰগোহাঁয়ে ৷