পৰিস্থিতি উদ্বেগজনক: নগাঁৱৰ বিহুৰ অনুষ্ঠান বাতিল

নগাঁও জিলাত স্থগিত কৰা হৈছে বিহুৰ অনুষ্ঠান । ক’ভিড-১৯ ৰ সংক্ৰমণ বৃদ্ধিৰ বাবে জিলা উপায়ুক্তৰ সৈতে আলোচনাৰ অন্তত বিহু সমিতিয়ে এই সিদ্ধান্ত গ্ৰহণ কৰে ৷ সোমবাৰৰ পৰা জিলাখনত কোনো বিহুৰ অনুষ্ঠান অনুষ্ঠিত কৰা নহয় । এই সিদ্ধান্ত গ্ৰহণ কৰিছে বিহু সমিতিসমূহে । ৰঙালী বিহুৰ আনন্দ-উছাহৰ সময়তে নগাঁৱত প্ৰতিদিনেই ক’ভিড-19 ত আক্ৰান্ত ৰোগীৰ সংখ্যা বৃদ্ধি পোৱাৰ প্ৰতি লক্ষ্য ৰাখি জিলাখনৰ স্থায়ী বিহু সমিতিৰ সৈতে সোমবাৰে জিলা উপায়ুক্ত কবিথা পদ্মনাভনে এক আলোচনাত মিলিত হয় । আলোচনাত উপায়ুক্ত গৰাকীয়ে সকলো বিহু সমিতিক ক’ভিড-১৯ ৰ ভয়াৱহতাৰ প্ৰতি লক্ষ্য ৰাখি বিহুৰ সকলো অনুষ্ঠান বাতিল অথবা স্থগিত ৰাখিবলৈ আহ্বান জনায় । জিলা উপায়ুক্তৰ আহ্বানক সঁহাৰি জনাই উপস্থিত বিহু সমিতিসমূহে ৷