যোৰহাট-ৰাজঘাট অভিমুখী চাইকেল ৰেলীৰ ফ্লেগ অফ কৰিলে লাভলীনাই

যোৰহাটস্থিত চিআৰপিএফ(CRPF)ৰ ১১৯ নং কেম্পত মঙলবাৰে আজাদী কা অমৃত মহোৎসৱ(AZADI KA AMRIT MAHOTSAV) অনুষ্ঠিত হয় ৷ কৃষি মন্ত্ৰী অতুল বৰাই বন্তি প্ৰজ্জ্বলনেৰে এই অনুষ্ঠানৰ উদ্বোধন কৰে ৷ অনুষ্ঠানত দেশৰ হকে প্ৰাণ আহুতি দিয়া বীৰ-শ্বহীদৰ পৰিয়ালক সম্বৰ্ধনা জনোৱা হয় ৷ এই মহোৎসৱৰ লগত সংগতি ৰাখি যোৰহাটৰ পৰা নতুন দিল্লীৰ ৰাজঘাটলৈ এক চাইকেল ৰেলী বাহিৰ কৰা হয় ৷ চাইকেল ৰেলীৰ ফ্লেগ অফ কৰে অলিম্পিকৰ পদক প্ৰাপ্ত লাভলীনা বৰগোঁহাই, অতুল বৰা আৰু বিধায়ক তপন গগৈয়ে ৷ এই অনুষ্ঠানতে লাভলীনাকো সম্বৰ্ধনা জনোৱা হয় ৷